Դիլիջանի միջազգային դպրոցի սաները այցելում են Գյումրիի ամերիկյան անկյուն

2014-10-30 03:00 pm

Դիլիջանի միջազգային դպրոցի սաները Խաղաղության կորպուսի կամավորների հետ համատեղ հոկտեմբերի 30-ին այցելեցին Գյումրիի ամերիկյան անկյուն:

Այցի նպատակն էր ծանոթանալ ամերիկյան անկյանը, մեր ռեսուրսներին, ինչպես նաև Գյումրի քաղաքի հետ:

Ֆլեքսի շրջանավարտ, ամերիկյան անկյան կամավոր Սուսաննա Ղազոյանը հակիրճ կերպով ներկայացրեց ամերիկյան անկյան միջոցառումները: ՈՒսանողները հետաքրքված էին մեր աշխատանքով, ինչպես նաև Գյումրիի երիտասարդության հետաքրքրություններով և կյանքով: Հանդիպման մասնակիցները ընկերական մթնոլորտում ակտիվորեն արտահայտեցին իրենց կարծիքները: Դիլիջանի դպրոցի սաները Գյումրիից հեռացան իրենց հետ տանելով անմոռաց տպավորություններ քաղաքի և ամերիկյան անկյան մասին:

Գոհաբանության օրը Գյումրիի ամերիկյան անկյունում

 2014-11-20 02:00 pm

Նոյեմբերի 20-ին Գյումրիի ամերիկյան անկյունը կազմակերպեց «Ամերիկյան տոներ՝ Գոհաբանություն» վերնագրով հանրային դասախոսություն, որը վարեց ԱՄՆ դեսպանատան հասարակության հետ կապերի բաժնի ղեկավար Ժակլին Դիլեյը:

ՈՒսանողների մի մեծ խումբ եկել էր Գ.Ա.Ա. ուսումնասիրելու ամենաավանդական ամերիկյան տոնը: Տիկին Դիլեյը ընդգծեց Գոհաբանության տոնի ավանդույթները՝ խոսելով ուտելիքի պատրաստման և Փլայմաութի ուխտավորնեի մասին, ինչպես նաև պատասխանեց բոլոր հարցերին: Գրեթե բոլոր մասնակիցները լավ տեղեկացված էին, թե ինչպիսի տոն է Գոհաբանությունը:

Ծրագրի ավարտին յուրաքնաչյուր մասնակից ստացավ մի կտոր գազարի տորթ, որը համարվում է Գոհաբանության տոնի ավանդական խորհրադանիշ:

Հանդիպում հին ընկերոջ և կամավորի հետ

2014-09-04 03:00 pm

Սեպտեմբերի չորսին Գյումրիի ամերիկլյան անյունը հյուրընկալեց նախկին Խաղաղության կորպուսի կամավոր Ջոն Քելլիին: Ջոնը 2010-2012 թվականներին կամավորական աշխատանք է ծավալել Գ.Ա.Ա.-ում: Նա է կազմավորել Գ.Ա.Ա.-ի ամենահայտնի անգլոլեզու ակումբը՝ «Խոսակցական սրճարանը»: Այդ երկու տարիների ընթացքում նա դարձավ իսկական ընկեր և խորհրդատու Գ.Ա.Ա.-ի սաներ համար:

Հիմա նա այցելել է Գ.Ա.Ա. իր նախկին սաներ և Գ.Ա.Ա.-ի աշխատակազմի հետ հանդիպելու համար: Գ.Ա.Ա.-ն նրան նվիրեց ամերիկյան անկյունների լոգոյով շապիկ: Նա մի հաճելի զրույց ունեցավ հանդիպման մասնակիցների հետ: Ջոնը նշեց, որ երբեք չի մոռանա Գ.Ա.Ա.-ն, և կայցելի նորից ու նորից:

Ֆիլմի ցուցադրություններ Գ.Ա.Ա.-ում

 2014-06-10 03:00 pm

2014 թվ.-ի ամռան ընթացքում Դեպի Հայք ծրագրի կամավորներ Սառա Ներսեսյանը և Լորի Յենի-Քոմշյանը Գ.Ա.Ա.-ի հետ համատեղ Գ.Ա.Ա.-ի այցելուների համար կազմակերպեցին «Ֆիլմի ցուցադրություններ քննարկումով» ծրագիրը: Այս ծրագրի շրջանակներում ութ ֆիլմեր ցուցադրվեցին և քննարկվեցին:

Ծրագրի նպատակն էր տարածել Գ.Ա.Ա.-ի տեսասկավառակների հավաքածուն և հարստացնել Գ.Ա.Ա.-ի այցելուների խոսակցական հմտությունները: 

Հանրային դասախոսություն, որը վարեց ԱՄՆ դեսպանատան գործերի հավատարմատար Քլարք Փրայսը

2014-05-29 05:00 pm

Մայիսի 29-ին Գյումրիի ամերիկյան անկյունում ԱՄՆ դեսպանատան գործերի հավատարմատար Քլարք Փրայսը վարեց "ԱՄՆ ընտանիքի արձակուրդը Արևմուտքում" վերնագրով հանրային դասախոսություն: Պարոն Քլարքի կինը և իննամյա որդին՝ Դենիելը նույնպես կիսեցին իրենց տպավորությունները: Պարոն Փրայսը լուսանկարներ էր ընտրել իրենց ընտանեկան ալբոմից, որոնց միջոցով տպավորիչ կերպով նկարագրեց իրենց 6-շաբաթյա ընտանեկան ուղևորությունը ԱՄՆ ազգային արգելոցներ:

Քլարքը խոսեց դեպի ԱՄն հարավարևմտյան ափ իրենց ընտանեկան այցի մասին: Նա հեշտորեն գրավեց հանդիսատեսին՝ նրանց հետ կիսելով իր զգացմունքները և տպավորությունները և ազգային արգելոցներից այնպիսի լուսանկարներ ցուցադրեց, որպեսզի մասնակիցները կարողանան տեսնել արգելոցներին բնորոշ պատկերներ:

Դասախոսությանը մասնակցեցին ավելի քան 50 հոգի, որոնցից ոմանք արդեն եղել էին ԱՄՆ ազգային արգելոցներում: Մասնակիցները հետաքրքրված էին և թեմայի վերաբերյալ շատ հարցեր ունեին: Ծրագրի վերջում նրանք շնորհակալություն հայտնեցին Փրայսների ընտանիքին տպավորիչ դասախոսության համար:

ԱՄՆ դեսպանատան գործերի համավատարմատարի ընտանիքը մայիսի 29-ին «Ընթերցանության ժամ» վարեց

 2014-05-29 04:00 pm

Գյումրիի ամերիկյան անկյունը հյուրընկալեց ԱՄՆ դեսպանատան գործերի հավատարմատար Քլարք Փրայսի կնոջը Անաթ Գելբին և որդուն՝ Դենեիլ Փրայսին: Նրանք երկուսով ընթերցանության ժամ վարեցին, որի ընթացքում տարրական դասարանների աշակերտների համար կարդացին Էրիկ Քարլիի գրած Շատ սոված թրթուրը գրքույկը:

Անաթը և Դենիելը՝ օգտագործելով իրենց ըներցանության հմուտ տեխնիկան, գրավեցին աշակերտների ուշադրությունը: Աշակերտները միացան նրանց. նրանք կրկնում և նույնիսկ հայերեն էին թարգմանում յուրաքնաչյուր բառը:

Ծրագրի ավարտին աշակերտները սկսեցին անգլերեն լեզվով ներկայանալ, արտասանեցին բանաստեղծություններ և երգեցին անգլերեն երգեր:

Մեկ ժամը, որն աշակերտներն անցկացրեցին Անաթին և դենիելի հետ մեծ տպավորություն գործեց նրանաց վրա:

Իռլանդական օր Գյումրիի ամերիկյան անկյունում

2014-03-17 15:00:00

Երեկվա "Խոսակցական ակումբը", որը վարեց Խաղաղության կորպուսի կամավոր Ռորի Կարլսոնը, նվիրված էր "Սուրբ Պատրիկ"-ի օրվան: Նա 20 ուսանողների համար ամբողջ աշխարհում հայտնի իռլանդական տոնի վերաբերյալ մի ցուցադրություն էր պատրաստել: Մասնակիցները նաև իռլանդական պարերի, ուտելիքի և այլ տոների մասին տեսաֆիլմ դիտեցին: Պարոն Ռորին ցուցադրության վերջում թեմայի շուրջ հարցուպատասխան վարեց: Ծրագրի մասնակիցներն իմացան ամերիկյան կյանքում և մշակույթի մեջ իռլանդացիների ունեցած զարմանալի ներդրման մասին: 

Նախագահի օրվան նվիրված դասախոսություն ԳԱԱ-ում

2014-02-18 12:21:00

Փետրվարի 17-ին Խաղաղության կորպուսի կամավոր Րորի Քարլսոնը անցկացրեց ցուցադրություն նվիրված ԱՄՆ-ում անցկացվող տոնին՝ "Նախագահի օրվան": Րորին խոսեց "Նախագահի օրվան" նվիրված տոնակատարաության սկզբնաղբյուրի մասին:Նախ նա խոսեց Ջորջ Վաշինգտոնի և Էբի Լինկոլնի մասին, և ապա հարցեր առաջադրեց, ստուգելու համար, թե արդյոք հանդիսատեսը սովորեց մաստուցվող նյութը: Մասնակիցները ոչ միայն պատասխանեցին հարցերին, այլ նաև ավելացրեցին այն տեղեկատվությունը, ինչ գիտեին դեռ ցուցադրությանը մասնակցելուց առաջ: Ավելի քան 20 մարդիկ մասնակցեցին ծրագրին, որի նպատակն էր տարածել ամերիկյան պատմությունը և մշակույթը անկյան այցելուների շրաջանակներում: