ՀԱՅԱՍՏԱՆԻ  ՀԱՆՐԱՊԵՏՈՒԹՅԱՆ  ՏՆՏԵՍԱԿԱՆ ԶԱՐԳԱՑՄԱՆ ԵՎ ՆԵՐԴՐՈՒՄՆԵՐԻ ՆԱԽԱՐԱՐՈՒԹՅՈՒՆ

«Նորամուծության եվ ձեռներեցության ազգային կենտրոն» ՊՈԱԿ

ՀՐԱՎԵՐ  

Բիզնեսին նվիրված մոտիվացիոն գրքերի ներկայացում-քննարկում

       Նորամուծության և ձեռներեցության ազգային կենտրոնը («ՆՁԱԿ» ՊՈԱԿ) «Էդիթ Պրինտ» հրատարակչության հետ համատեղ 2018թ. մարտի 16-ին ժամը 14:30-ին կազմակերպում է վերջինիս կողմից հայերեն թարգմանված և հրատարակված համաշխարհային բեսթսելերներ հանդիսացող բիզնեսին նվիրված մոտիվացիոն գրքերի ներկայացում - քննարկում:  Դրանք են` 

• Հանրահայտ գործարար և գրող Սթիվեն Քովիի «Ամենաարդյունավետ մարդկանց 7 սովորույթները» գիրքը, որտեղ ներկայացված է սկզբունքակենտրոն մոտեցում`լուծելու անհատական և մասնագիտական խնդիրները, օգնելու փոխվել և օգտվել փոփոխությունների արդյունքում ստեղծված հնարավորություններից: Time ամսագիրն այն ընդգրկել է «Բիզնեսի կառավարման վրա ամենամեծ ներգործությունն ունեցող 25 գրքերի» ցանկում:
• Կյանքն ու գործը ճիշտ և արդյունավետ ղեկավարելու բոլոր ժամանակների բեսթսելեր Սպենսեր Ջոնսոնի և Քեն Բլանչարդի​ «Նոր՝ մենեջեր «Մեկ րոպեն»» գիրքը, որը համարվում է երբևէ հրատարակված ամենահաջողակ մենեջմենթի գրքերից:
• Մոտիվացիոն գրականության նմուշներից է կյանքում և բիզնեսում փոփոխություն մտցնելու բոլոր ժամանակների թիվ 1 բեսթսելերը՝ դոկտոր Սպենսեր Ջոնսոնի «Ո՞ւր է իմ պանիրը» գիրքը, այն ունի շատ կարևոր պատգամ և կարող է արմատապես փոխել մեր վերաբերմունքը փոփոխության նկատմամբ:

Տասնամյակներ շարունակ այս գրքերը օգնել են միլիոնավոր մարդկանց առավել հաջողակ լինել իրենց մասնագիտական և անձնական կյանքում:

 http://www.innovcentre.am/hy/ 

 https://www.facebook.com/InnovCentre  

Կոնտակտային տվյալներ
«Նորամուծության և ձեռներեցության ազգային կենտրոն» ՊՈԱԿ
Տեղեկատվական ապահովման և հասարակայնության հետ կապերի բաժին
Հեռ.` 011-238747, էլ. փոստ` adasarg@innovcentre.am