ՆՁԱԿ
   
 

Չինացիները ներկայացրել են ձայնային նոր օգնականին, որի հետ կարելի է ի սրտե զրուցել
Չինական ընկերության ձայնային օգնականը ոչ միայն ժամերով զրուցելու է օգտատիրոջ հետ, այլև մի շարք գործողություններ է կատարելու նրա փոխարեն:

Xiaomi ընկերությունը պատրաստվում է թողարկել նոր ձայնային օգնական XiaoAI 3.0-ն։
Ընկերությունը վստահեցնում է, որ XiaoAI-ն լինելու է աշխարհի առաջին ձայնային օգնականը, որի հետ հնարավոր կլինի երկար խոսակցություն վարել կամ ուղղակի «չաչանակել»։ Իսկ ապագայում ընկերությունը խոստանում է, որ XiaoAI–ը կդառնա «ամենակենդանի» օգնականը։
Այս ամենից բացի նշվում է, որ զրույցն ամեն պահի հնարավոր է ընդհատել և օգնականին տալ որոշակի հրահանգներ, իսկ նա միանգամից կանցնի դրանց կատարմանը։

Facebook–ն արդեն փորձարկում է ֆեյքերի դեմ պայքարող նոր «գործիքը»

https://twitter.com/i/status/1191671793121030144 

Կապույտ սոցցանցը վստահեցնում է, որ չի պատրաստվում պահպանել մարդկանց տվյալները. նոր նախաձեռնությունը միայն մեկ նպատակ ունի` նվազագույնի հասցնել կեղծ օգտատերերի քանակը։
Facebook ընկերությունը թեստավորում է ֆեյք հաշիվների դեմ պայքարելու նոր միջոցը. սոցցանցը ծրագրում էլ վիդեոնույնականացում իրականացնել վեբ–տեսախցիկների օգնությամբ:
Սոցցանցի ստեղծած նոր ինտերֆեյսը պահանջում է, որ օգտատերը նկարահանի իր դեմքը տարբեր անկյուններից՝ պտտելով գլուխը (սա նման է iPhone-ների Face ID-ի կարգավորմանը)։ Facebook-ն այս նորամուծության անհրաժեշտությունը բացատրում է սոցցանցում գրանցված ֆեյք օգտատերերի և բոտերի ահռելի քանակով։
​Այս մեթոդը չի օգտագործում դեմքերի ճանաչման տեխնոլոգիան, այլ միայն հասկանում է գլխի շարժումները և ստուգում՝ տեսանյութում երևո՞ւմ է մարդու դեմքը, թե ոչ։ Ընկերությունը վստահեցնում է, որ չի պատրաստվում պահպանել այս տվյալները։

Արհեստական ինտելեկտին  սովորեցրել են մեմեր հորինել
Սթենֆորդի համալսարանի գիտնականները ստեղծել են արհեստական ինտելեկտ, որը կարող է մեմերի տեքստային մասն  հորինել: Համակարգի հիմքում երկար  և կարճաժամկետ հիշողությամբ նեյրոցանցի աշխատանքն է, որը կարողանում է ինքնուրույն ծիծաղելի նկարներ գեներացնել:

Արհեստական ինտելեկտի ստեղծմամբ զբաղվել են Սթենֆորդի համալսարանի գիտնականներ Աբել Փիրսոն Հինգերորդը (Abel L. Peirson V) և Մելթեմ Թոլունեյը: Նրանք նեյրոցոնցին Meme Generator կայքից սովորեցրել են 400 հազար լուսանկարների. դրանցից առանձնացրել են 2600 յուրահատուկ նկարներ, որոնցից յուրաքանչյուրն ուներ կարճ բնութագրություն:

Google-ը կօգնի գլուխ  հանել Արհեստական ինտելեկտից՝ առանց ծրագրավորման գիտելիքներ ունենալու

Google ընկերությունը կներկայացնի Cloud AutoML Vision ծառայության alpha-տարբերակը, որը թույլ է տալիս կազմակերպություններին ստեղծել մեքենայական ուսուցման սեփական մոդելը՝ չգրելով անգամ մեկ տող կոդ: Ծրագրավորման հմտությունների չտիրապետողները կարող են կառավարել այդ ամբողջ ընթացքը՝ տվյալների ներմուծումից մինչև մոդելի ուսուցման ավարտ: Սա կարող են անել պարզ գրաֆիկական ինտերֆեյսով, պարզապես բլոկներ տեղափոխելով:
Բոլոր բարդ ու «ծանր» գործողությունները և տվյալների մշակումը Goolge-ը վերցնում է իր վրա: Այս ծրագիրը թույլ կտա բիզնեսի ղեկավարներին խնայել Արհեստական ինտելեկտի ոլորտի մասնագետների թանկարժեք ծառայություններից օգտվելու ծախսերը:
Արհեստական ինտելեկտի (AI) և մեքենայական ուսուցման (ML ոլորտներ մուտք գործելը դեռևս մեծ խոչընդոտներ ունի, որոնք պահանջում են մեծ ռեսուրսներ, որոնք կարող են իրենց թույլ տալ միայն հաշված ընկերություններն,  չնայած նրան, որ AI-ը առաջարկում է անհաշվելի առավելություններ բիզնեսին, այսօր անհատական մոդել ստեղծելու համար պահանջվում է հազվատեպ փորձագիտական գիտելիք և հսկայածավալ ռեսուրսներ:

Աշխարհում կորոնավիրուսի դեմ 133 հնարավոր պատվաստանյութ է մշակվում

Առողջահության համաշխարհային կազմակերպությունը հայտնել է  ողջ աշխարհում կորոնավիրուսի դեմ 133 հավանական պատվաստանյութերի մշակման մասին:
Նշվում է, որ հավանական պատվաստանյութերից 10-ը գտնվում են կլինիկական փորձարկման փուլում ԱՄՆ-ում, Մեծ Բրիտանիայում և Չինաստանում:
Մյուս 123-ը գտնվում են նախակլինիկական գնահատման փուլում աշխարհի տարբեր երկրների գիտական կենտրոններում, այդ թվում՝ Տոկիոյի համալսարանում, Թուլեյնի համալսարանում (ԱՄՆ), Ալբերտայի համալսարանում (Կանադա), Փիթսբուրգի համալսարանում:
Հիշեցնենք, որ կլինիկական փորձարկման փուլում է գտնվում նաև ամերիկահայ գործարար Նուբար Աֆեյանի Moderna ընկերության ստեղծած պատվաստանյութը, որը մշակվել է ԱՄՆ Ալերգիայի և ինֆեկցիոն հիվանդությունների ազգային հետազոտական կենտրոնի հետ համատեղ:

Արհեստական բանականությունը կկարողանա սելֆիի միջոցով պատմել ձեր մասին

ՏՆտեսական բարձրագույն դպրոցի եւ Հումանիտար-տնտեսագիտական բաց համալսարանի գիտնականների խումբը ցույց է տվել սելֆիով մարդու անձի տեսակը որոշելու արհեստական բանականության ունակությունը։
Հետազոտողները ենթադրում են, որ այդ տեխնոլոգիան կարող է օգտագործվել ծանոթությունների առցանց-ծառայություններում մարդկանց ընտրելու կամ հաճախորդների առանձնահատկություններին հարմարեցված ապրանքներ վաճառելու համար։
Աշխատանքի ընթացքում 12 000 կամավորներ լրացրել են ձեւաթուղթ, որը հետագայում գիտնականներն օգտագործել են անձնական հատկանիշների տվյալների բազա ստեղծելու համար։ Ի լրումն սրա, մասնակիցները նաեւ մոտ 31 000 սելֆի են արել։ Լուսանկարները հանվել են վերահսկվող պայմաններում՝ դեմքի չեզոք արտահայտությամբ, լավ լուսավորությամբ եւ առանց շպարի ու զարդերի։
Հարցաթերթիկը հիմնված է եղել «Մեծ հնգյակի» հոգեբանական թեսթի վրա։ Հետազոտողները հաճախ են օգտագործում այն փորձարկվողների անձը նկարագրելու համար։
Նեյրոնային ցանցի ուսուցումից հետո տվյալների հավաքման հիման վրա գիտնականները հայտնաբերել են, որ այն կարող է իրական լուսանկարներով որոշել անձի առանձնահատկությունները։
Սակայն ԱԲ-ի ստույգ լինելու աստիճանը կատարյալ չէ։ Գիտնականները նկատել են, որ ալգորիթմը միայն 60%-ի դեպքում է ճիշտ հետեւություններ արել։ Բայց նույնիսկ այդպիսի ցուցանիշներով՝ արհեստական բանականությունը այդ առաջադրանքն ավելի լավ է անում, քան մարդը։ Մարդու անձնական հատկանիշների գնահատականը անծանոթների կողմից ավելի քիչ ստույգ է եղել, քան արհեստական բանականությանը։

Իսպանիայի լողափերում «խելացի» զգայակները զբոսաշրջիկներին կպաշտպանեն կորոնավիրուսով վարակվելուց

Իսպանիայում զբոսաշրջիկներին արհեստական բանականության միջոցով կորոնավիրուսով վարակվելուց պաշտպանելու եղանակ են մշակել։
Ֆուենխիրոլա քաղաքի Կոստա Դել Սոլ առափնյա գոտում կառավարությունը սոցիալական հեռավորությունը պահելու համար հատուկ սարքեր է տեղադրել։ Նշվում է, որ լապտերային սյուների վրա հատուկ սկաներներ են ամրացվում, որոնք զգայակների միջոցով հետևում են լողափում հանգստացողների քանակին, այնուհետև հեռախոսային հավելվածի միջոցով մարդկանց տեղյակ պահում այդ շրջանի առավել շատ ծանրաբեռնված հատվածների մասին։
Նշվում է, որ քարտեզը մշակվել է լուսակրի համակարգի նմանությամբ և կանաչը նշանակում է տարածքը հարմար է հանգստի համար, նարնջագույնը զգուշացնում է այդ հատվածի՝ 75 տոկոս զբաղված լինելու մասին, իսկ ահա կարմիրը ազդարարում է, որ այդ շրջանում ազատ տեղեր չկան։
Մարդկանց առավել ճշգրիտ հաշվարկի համար ծրագիրը լողափը սարքերի միջև վիրտուալ քառակուսների է բաժանում և այս եղանակով տարածք մուտք գործած և դուրս եկած զբոսաշրջիկների քանակը հնարավոր է լինում վերահսկել։
Նորարարության հեղինակի խոսքով՝ հետագայում այս սարքերը կարող են նաև այլ մարդաշատ վարերում, օրինակ՝ առևտրի կենտրոններում, միջոցառման անցկացման հրապարակներում օգտագործվել։

Reebok-ն ինովացիոն պաշտպանիչ դիմակներ է թողարկել

Reebok-ը դիմակների 3 տեսակ է ներկայացրել, որոնք կարելի է կրել մարզումների ժամանակ:
Ապրանքանիշի դիմակները լիովին ծածկում են մարզիկի գլուխը եւ նույնիսկ մամուռ են պարունակում՝ օդը մաքրելու համար:
Սպորտային Reebok ապրանքանիշը դիմակների 3 նախատիպ է ստեղծել, որոնք ոչ միայն պաշտպանում են մթնոլորտի վտանգավոր մասնիկներից, այլեւ տերերին զգուշացնում են թթվածնի մակարդակի եւ այլ կենսական կարեւոր ցուցանիշների մասին: Ընդհանուր առմամբ Reebok ապրանքանիշը ներկայացրել է դիմակների 3 տեսակներ, որոնք կարելի է կրել մարզումների ժամանակ, այդ թվում եւ ջրում:
«Ընկերության սենսորային դիմակը բերանի շրջանում թափանցիկ էկրան ունի: Reebok-ը ցույց է տվել, որ մարդիկ սպորտն ընկալում են որպես սոցիալական ակտիվություն, նրանց դուր է գալիս ցույց տալ հույզերը եւ տեսնել շրջապատողների դեմքերը:
Ընկերությունը նաև ցանկանում է այս դիմակը հագեցնել սենսորներով՝ սրտի աշխատանքը և շնչառության մակարդակը հետևելու համար: Սուզման դիմակը բաղկացած է թափանցիկ էկրանից՝ ամբողջ դեմքի վրա, գլխարկից և շնչառական սարքից, որն ամբողջովին ծածկում է գլուխը,  նկարագրել է լաբորատորիայի ղեկավարը:
Ըստ նրա, հնարավոր կլինի կարգավորել այս դիմակի ներսում եղած պայմանները`ջերմաստիճանից մինչև թթվածնի մակարդակ:
Ամենահամարձակ դիմակը մաքրող դիմակն է: Այն բաղկացած է օրգանական նյութով շնչառական սարքից, ինչպիսիք են ջրիմուռները կամ մամուռը, որոնք մաքրում են օդը, ներշնչում ածխաթթու գազը մթնոլորտից և ազատում թթվածին:
Հայտարարվում է, որ դիմակ մաքրող միջոցը կարողանում է զտել վտանգավոր մասնիկները, ներառյալ վիրուսները: 

Հայ գիտնականներն առաջարկել են ստեղծել համավարակների հետազոտման և դեղերի ստեղծման ենթակառուցվածք

ՀՀ գիտությունների ազգային ակադեմիայի մոլեկուլային կենսաբանության ինստիտուտն առաջարկել է միավորել հայ մասնագետների կարողությունները, ստեղծել գիտահետազոտական ենթակառուցվածք՝ համավարակային իրավիճակների հետ կապված հետազոտություններ անելու համար, որոնք հետագայում կարող են թույլ տալ նաև աշխատել դեղերի, պատվաստանյութերի ստեղծման շուրջ: Ըստ  ՀՀ ԳԱԱ մոլեկուլային կենսաբանության ինստիտուտի տնօրենի իրենք այդ ուղղությամբ չեն աշխատում, քանի որ դրանք ավելի ժամանակատար և գիտական ենթակառուցվածք պահանջող ուղղություններ են: Եվ այս պահին, ցավոք, Հայաստանում այդ հնարավորությունները չկան: Սակայն իրենք ներկայացրել են ծրագիր՝ համավարակային իրավիճակների համար ստեղծելու գիտահետազոտական ենթակառուցվածք, որը թույլ կտա նաև զբաղվել այդ ուղղություններով: Եվ այդ առաջարկն այժմ քննարկվում է:
Տնօրենի կարծիքով՝ առկա ինստիտուտների, համալսարանների, Առողջապահության նախարարության ենթակայությամբ գործող կառույցների կարողությունները միավորելով կարելի է ստեղծել ցանց, այդ ցանցում զարգացնել ենթակառուցվածքները, որոնք պետք կլինեն նմանատիպ հետազոտությունների համար: Այսպիսով առաջարկվում է ստեղծել ընդհանուր օգտագործման կենտրոն, որ հնարավոր լինի իրականացնել հետազոտություններ, որոնք հետագայում նաև թույլ կտան աշխատել դեղերի, պատվաստանյութերի ստեղծման շուրջ:
Առաջարկը ներկայացվել է ՀՀ կրթության, գիտության, մշակույթի և սպորտի նախարարությանը և Գիտության կոմիտեին:
Գիտությունների ազգային ակադեմիայի մոլեկուլային կենսաբանության ինստիտուտը արդեն սկսել է տեղական արտադրության թեստերի նախատիպերի փորձարկումները: Մոտ երկու շաբաթից կորոնավիրուսը կախտորոշվի հայկական արտադրության թեստերով:

Արհեստական ինտելեկտն ապագայում մարդկանց կհարկի

Ամերիկացի հետազոտողներն առաջարկել են արհեստական ինտելեկտն օգտագործել ուսուցման ամրագրմամբ, որ ստեղծեն հարկման ալգորիթմներ, որոնք առավելագույնս հաշվի կառնեին կոնկրետ երկրում ընթացիկ տնտեսական իրավիճակը եւ կկարողանային ճկուն կերպով արձագանքել համակարգի բոլոր մասնակիցների եկամտի եւ արդյունավետության մակարդակի փոփոխություններին:
AI Economist անունը ստացած նախագիծն իր աշխատանքում չի օգտագործում մարդկության նախորդ փորձը եւ կողմնորոշվում է միայն դեպի ընթացիկ իրավիճակը: Փորձի ժամանակ, որն անցկացվել է վիրտուալ աշխարհում խաղի ձեւով եւ մշակվել է Salesforce-ի կողմից, ԱԻ-ն թույլ է տվել ստեղծել առաջավոր հարկման 16 տոկոսով ավելի արդյունավետ մոդել, քան ստեղծել է տնտեսագետ, դոկտոր Էմանուել Սաեսը, ինչպես նաեւ ավելի արդյունավետ (չի հստակեցվում՝ որքան), քան հիմա ԱՄՆ-ում օգտագործվող համակարգն է: AI Economist-ն ինքնուսուցման ժամանակ հանգել է եզրակացության, որ հարկման լավագույն համակարգը կլինի բարձր տոկոսադրույքը հարուստ եւ աղքատ բնակչության համար եւ ցածր հարկը միջին դասի ներկայացուցիչների համար:
AI Economist-ի առաջարկած համակարգը ձգտում է հավասարեցնել վիրտուալ աշխարհի բոլոր բնակիչների եկամուտների մակարդակը՝ այդ ընթացքում հաշվի առնելով կոնկրետ «մարդու» արդյունավետության աստիճանը, որը ստեղծվում է հաշվի առնելով նաեւ «պետության» սահմանած հարկային տոկոսադրույքով աշխատելու ցանկությունը, ինչպես նաեւ կոնկրետ անհատի հմտությունները: Սիմուլյացիայի ժամանակ Salesforce-ի ստեղծած «աշխարհը» կարող է «ապրել» մի քանի միլիոն տարի, որի ընթացքում անընդհատ փոխվում է հարկերի մակարդակը՝ հաշվի առնելով մոդելավորված իրականությունում իրավիճակը:
Salesforce-ից ընդգծել են, որ վիրտուալ բնակիչներով խաղային աշխարհի ստեղծումը եւ այդ սիմուլյացիայի հիման վրա արհեստական ինտելեկտի ուսուցումը հաստատել է հարկային համակարգի շտկման համար ԱԻ-ի օգտագործման պոտենցիալ հնարավորությունը: Ընդ որում՝ ԱԻ-ն բավարար կատարյալ չէ, որ նրա առաջարկած որոշումները հնարավոր լինի հենց հիմա կիրառել իրականության մեջ. դրա համար անհրաժեշտ է «խաղը» զգալիորեն բարդացնել, որի հիման վրա համակարգը սովորելու է: Բայց, ինչպես նշում են հետազոտողները, արհեստական ինտելեկտի ձեւակերպած լուծումները ապագայում հնարավոր կլինի ներդնել հարկման իրական համակարգի մեջ:

ԱՄԷ-ն հայտնում է կորոնավիրուսը լազերների միջոցով հայտնաբերելու արագ մեթոդի մշակման մասին

Աբու Դաբիի ֆոնդային բորսայում ցուցակված International Holdings ընկերության (IHC) բժշկական հետազոտական մասնաճյուղ համարվող  «Quaint Liz» լաբորատորիան մայիսի 20-ին հայտարարել է կորոնավիրուսի հայտմաբերման նոր մեթոդ մշակելու մասին, որը հնարավորություն կտա վայրկյանների ընթացքում արագորեն խմբային ստուգումներ անցկացնել՝ աննախադեպ կերպով ընդլայնելով հետազոտությունների  քանակը:
«Նոր տեխնոլոգիայի կիրառումը կբարձրացնի Արաբական Միացյալ Էմիրությունների դիրքը՝ որպես հետազոտությունների, նորարարությունների և տեխնոլոգիաների միջազգային կենտրոն, այն ժամանակ, երբ աշխարհի գիտնականները մրցակցում են՝ մշակելու ամենաարագ և ճշգրիտ մեթոդը կորոնավիրուսով վարակված հիվանդների համար:
Այս տեխնոլոգիան մասնագետներին հնարավորություն կտա իրականացնել մեծ մասշտաբով թեստավորումներ` ամրապնդելով դեպքերին հետևելու ունակությունը   և նվազեցնելով հիվանդության բռնկումները։
Իր հերթին, լաբորատորիայի հետազոտողների խմբի ղեկավար, դոկտոր Պրոմադ Կումարը, ով վերջին ամիսների ընթացքում ուսումնասիրում և վերլուծում էր վիրուսով վարակված արյան բջիջների կառուցվածքի փոփոխությունները, նշում  է, որ այդ գործիքը, որն օգտագործում է էլեկտրոնային մանրադիտակ, թույլ կտա հետազոտությունները կատարել զանգվածային մասշտաբով եւ արդյունքները թողարկել վայրկյանների ընթացքում:
Արհեստական բանականության և ամպային հաշվարկի առաջատար «Quaint Liz» լաբորատորիան կիրառել է G42-ի տեխնիկական գիտելիքները`  ամրապնդելու լազերային ծրագիրը մարդկային կարողությունները գերազանցող եղանակով:
Գիտական հետազոտությունների իրականացումը և մարդկանց բարեկեցության հասնելուն ուղղված գիտական նորամուծություններին և գյուտերին խրախուսելը ԱՄԷ-ի կառավարության կողմից 2018 թվականի փետրվարին հայտարարված առաջադեմ նորարարությունների ազգային ռազմավարության ամենակարևոր հիմնասյուներից է, որտեղ ռազմավարությունը նաև ենթադրում է համագործակցություն միջազգային ինստիտուտների և առաջատար միջազգային ընկերությունների հետ, որոնք մասնագիտացված են նորարարության բնագավառում»,- նշված է հաղորդագրության մեջ:

Ռոբոտ-շները սկսել են վերահսկել մարդկանց միջեւ տարածությունը

Սինգապուրի իշխանությունները, չնայած կորոնավիրուսի համավարակին, թույլ են տալիս տեղի բնակիչներին զբոսնել եւ վազել զբոսայգիներում, բայց սոցիալական հեռավորությունը պահպանելու պայմանով՝ մարդիկ պետք է առնվազն 1 մետր տարածություն պահպանեն: Այս պայմանը վերահսկելու համար որոշել են ռոբոտներ ներգրավել:
Մայիսի 8-ից Spot ռոբոտ-շունը երկու շաբաթ փորձարկման ռեժիմով կաշխատի Սինգապուրի զբոսայգիներից մեկում։ Փորձարկումների արդյունքներով իշխանությունները մտադիր են որոշում կայացնել լուծման արդյունավետության եւ Սինգապուրի այլ պուրակներում ու հրապարակներում ռոբոտների հետագա օգտագործման անհրաժեշտության վերաբերյալ:
Նշվում է, որ Սինգապուրի համար Spot-ը ստացել է տարածության մեջ բարելավված կողմնորոշման համակարգ, տեսախցիկների շարք, որոնք թույլ են տալիս գնահատել ռոբոտի ճանապարհին հանդիպող մարդկանց թիվը, ինչպես նաեւ տեսախցիկներ՝ մարդկանց միջեւ տարածությունը գնահատելու համար: Եթե այգու այցելուները խախտեն սոցիալական հեռավորությունը, ապա «շունը» կարտաբերի նախապես ձայնագրված աուդիոհաղորդագրություն՝ խնդրելով նրանց շատ չմոտենալ միմյանց եւ հիշեցնելով, որ ձեռքերը լվանան:
Boston Dynamics ռոբոտներից բացի, Սինգապուրում նաեւ մտադիր են օգտագործել անօդաչու թռչող սարքեր՝ այգիներն ու անտառային տարածքները վերահսկելու համար: «Շների» պես, դրոնները կակտիվանան պիկ ժամերին, երբ այգիներում սպասվում է այցելուների առավելագույն քանակ:

Ամերիկացի գիտնականները կորոնավիրուսը 100 տոկոսով արգելափակող հակամարմին են հայտնաբերել

Sorrento Therapeutics դեղագործական ընկերությունից ամերիկացի գիտնականները հայտնաբերել են հակամարմին, որը, նրանց հայտարարության համաձայն, 100 տոկոսով արգելափակում է կորոնավիրուսը։
Մասնագետները վերլուծել են միլիարդավոր հակամարմիններ, որոնց մեջ հայտնաբերել են կորոնավիրուսի վրա ազդելու ունակությամբ հարյուրավորների։ Դրանից հետո, գիտնականները առանձնացրել են տասնյակ հակամարմիններ, իսկ հետագա ուսումնասիրությունը ցույց է տվել, որ դրանցից մեկը՝ STI-1499-ը, ունակ է 100 տոկոսով պաշտպանել մարդու բջիջները վարակվելուց։
Նշվում է, որ այն պարուրում է վիրուսը եւ չորս օրից հեռացնում այն օրգանիզմից: Առայժմ փորձեր կատարվել են միայն լաբորատոր պայմաններում, ուստի ընկերությունը դեռեւս չի ստացել դեղը թողարկելու թույլտվություն: Այս դեղամիջոցի շնորհիվ կարանտինը բոլոր երկրներում կարելի կլինի հանել: 

 

Գիտնականները պարզել են՝ որքան ժամանակ է կորոնավիրուսը պահպանվում օդում կարճատև զրույցից հետո

Մեկ րոպե խոսելու ընթացքում առնվազն հազար միկրոկաթիլ կորոնավիրուսային վարակ է ձևավորվում օդում, որոնք կարող են պահպանվել 14 րոպե:
Գիտափորձի շրջանակներում գիտնականները խնդրել են կամավորներին 25 վայրկյանի ընթացքում բարձրաձայն կրկնել «առողջ մնացեք» (stay healthy) արտահայտությունը փակ տարածքում: Այնուհետև տարածքը լուսավորվել է գերզգայուն լազերով, որպեսզի օդի մասնիկները տեսանելի դառնան և դրանք հնարավոր լինի հաշվել:
Հետազոտության արդյունքների համաձայն՝ բարձր խոսքի ժամանակ մեկ վայրկյանում թքի հազար մասնիկ է արտադրվում: Փակ տարածքում դրանք տեսադաշտից անհետանում են 8-14 րոպեում:

 

Amazon-ը նոր տեխնոլոգիա է մշակում, որը թույլ կտա խանութներում վճարումներ կատարել անմիջապես ձեռքի ափից

Amazon ընկերությունն աշխատում է ձեռքի ափի հետքով վճարումներ կատարելու տեխնոլոգիա ստեղծելու ուղղությամբ:
«Տեխնոլոգիական հսկան ստեղծում է տերմինալներ, որոնք հնարավոր կլինի տեղադրել խանութներում: Դրանք գնորդներին հնարավորություն կտան իրենց բանկային քարտերի վերաբերյալ տեղեկատվությունը կցել ձեռքին... Այնուհետև իրենք կկարողանան գնումների համար վճարել իրենց ափով՝ առանց հեռախոսը կամ քարտը հանելու»,- ասվում է հոդվածում:
Ավելի վաղ հայտնել էինք, որ ամերիկյան Amazon ընկերությունը ազատել է իր աշխատակիցներից 4-ին, որոնք հետևում էին հաճախորդներին իրենց տներում տեղադրված Ring վերահսկման տեսախցիկների միջոցով:
ԱՄՆ իրավապահներին հետաքրքրել է համացանցային ֆոռումներում հայտնված տեղեկությունը: Այնտեղ օգտատերերը բողոքում էին, որ հաքերները կոտրել են իրենց Ring տեսախցիկները:
Ոստիկանությունն ամերիկյան հսկայից մանրամասն հաշվետվություն է պահանջել տեսախցիկների տվյալների օգտագործման վերաբերյալ: Տվյալները հայտնվել են համացանցում և պարզվել է, որ վերջին 4 տարում ընկերությունը ստիպված է եղել ազատել 4 աշխատակցի, որոնց մեղադրել են հաճախորդների տեսախցիկներին ունեցած հասանելիությունը չարաշահելու մեջ:
Միևնույն ժամանակ  Amazon-ից հերքում են, որ Ring տեսախցիկները հաքերային հարձակման են ենթարկվել երրորդ անձանց կողմից:

ՀՀ թղթադրամների նոր շարքը  հաղթող է ճանաչվել High Security Printing EMEA-2020 միջազգային մրցույթում

ՀՀ թղթադրամների նոր շարքը հաղթող է ճանաչվել High Security Printing EMEA-2020 միջազգային մրցույթում՝ «Լավագույն նոր շարք»
անվանակարգում, տեղեկացնում է Կենտրոնական բանկի մամուլի ծառայությունը։
Մրցանակաբաշխությունը կազմել է Reconnaissance International ընկերության կողմից 2020 թ․մարտի 9-11-ը Լիսաբոնում (Պորտուգալիա) անցկացված High Security Printing EMEA ամենամյա կոնֆերանսի մի մասը: Մրցանակաբաշխությունն իրականացվել է երեք անվանակարգերում՝ «Լավագույն նոր շարք», «Լավագույն նոր թղթադրամ» և «Լավագույն նոր հավաքորդական հուշադրամ»:

Նշվել է նաև, որ 1000, 2000, 5000, 10000, 20000 և 50000 դրամ անվանական արժեքով թղթադրամների շարքը արտադրված է կոմպոզիտային հումքի վրա, որը համատեղում է պոլիմերի ամրությունը թղթի տպագրելիության հետ` դիմացկուն և հուսալի թղթադրամներ ստանալու համար: Հայաստանը աշխարհում առաջին երկիրն է, որն ունի թղթադրամների ամբողջական շարք՝ տպագրված Louisenthal-ի Hybrid ADDvance թուղթ/պոլիմեր հումքի վրա: Ժյուրիի հատուկ գնահատանքի է արժանացել թղթադրամների դիզայնը, որն արտացոլում է պատմական, մշակութային և կրոնական թեմաներ։
«Լավագույն նոր թղթադրամ» անվանակարգում մրցանակը տրվել է Անգլիայի Բանկին՝ իր նոր, աչքի ընկնող 20 ֆունտ ստեռլինգ անվանական արժեքով թղթադրամի համար։ Թղթադրամը տպագրված է De La Rue-ի Safeguard պոլիմերային հումքի վրա և ներկայացնում է անգլիացի հայտնի նկարիչ JMW Turner-ին:  
«Լավագույն նոր հավաքորդական թղթադրամ» անվանակարգում մրցանակակիր է դարձել Լեհաստանի ազգային բանկը՝ Լեհաստանի պաշտպանված տպագրական գործի հիմնադրման 100-ամյակին նվիրված հավաքորդական թղթադրամի համար: Թղթադրամն աչքի է ընկնում արտասովոր անվանական արժեքով՝ 19 զլոտի, ինչպես նաև ավանդական դիզայնի ու ժամանակակից պաշտպանական հատկանիշների համակցությամբ:

Ողջ աշխարհում կորոնավիրուսի դեմ 108 հավանական պատվաստանյութ է մշակվում, այդ թվում է Նուբար Աֆեյանի ընկերության ստեղծածը

Առողջապահության համաշխարհային կազմակերպությունը հայտարարել է, որ կորոնավիրուսի դեմ 108 հավանական պատվաստանյութեր են մշակվում ողջ աշխարհում: Ինչպես նշվում է, դրանցից 8-ը կլինիկական փորձարկումների ենթարկվելու հավանություն են ստացել:
Առողջապահության ազգային ինստիտուտը մարտի 16-ին առաջինն է ԱՄՆ-ում սկսել փորձարկումներ անել մարդկանց վրա: Ինստիտուտում կլինիկական փորձարկումների է ենթարկվում mRNA-1273 պատվաստանյութը, որն ստեղծել է հայտնի ամերիկահայ գործարար Նուբար Աֆեյանի Moderna ընկերությունը:
Տարբեր գիտական խմբեր աշխարհի մի շարք երկրներում գտնվում են նախակլինիկական փորձարկումների փուլում: Նրանց թվում են Տոկիոյի համալսարանը, Թուլանի համալսարանը, Ալբերտայի համալսարանը և Փիթսբուրգի համալսարանը: Ընդհանուր առմամբ, պատվաստանյութի մշակման ուղղությամբ 100 խումբ է աշխատում՝ ըստ ԱՀԿ-ի:

Մեծ Բրիտանիան կստեղծի 1,6 մլրդ դոլար արժողությամբ գերհզոր համակարգիչ, որը կանխատեսելու է եղանակը

Մեծ Բրիտանիան կստեղծի 1,6 մլրդ դոլար արժողությամբ գերհզոր համակարգիչ, որը կանխատեսելու է եղանակը:
Մեծ Բրիտանիայի կառավարությունը կհատկացնի 1,2 միլիարդ ֆունտ (1,6 մլրդ դոլար) գերհզոր համակարգիչ ստեղծելու համար, որը կզբաղվի եղանակի ճշգրիտ կանխատեսումներով։ Սպասվում է, որ գերհզոր համակարգիչը պատրաստ կլինի մինչև 2022 թվականը: Մասնագետները հույս ունեն, որ համակարգիչը կօգնի նվազեցնել փոթորիկներից և ջրհեղեղներից վնասները՝ կենսական նշանակության ենթակառուցվածքների համար:

 

Բիլ Գեյթսը կարծում է, որ կորոնավիրուսին հաղթելու համար անհրաժեշտ են ինովացիաներ 5 ոլորտներում

Մարդասեր եւ Microsoft-ի հիմնադիր Բիլ Գեյթսը կարծում է, որ կորոնավիրուսին հաղթելու համար անհրաժեշտ են ինովացիաներ 5 ոլորտներում:
Իր բլոգում Գեյթսը հերթական անգամ դիմել է մարդկությանը՝ համեմատելով պանդեմիան համաշխարհային պատերազմի հետ, որտեղ «մենք բոլորս մի կողմում ենք»:
«Երկրորդ համաշխարհային պատերզմի ժամանակ մեծ թվով ինովացիաներ՝ ռադարի ստեղծում, հուսալի տոպեդներ, կոդեր կոտրելու մեթոդներ, օգնեցին ավարտել պատերազմն ավելի վաղ: Նույնը լինելու է նաեւ պանդեմիայի դեպքում:

Բուժում
Գեյթսը խոստովանել է, որ COVID-19-ի բուժման շատ մեթոդներ կարող են անհաջողության մատնվել, բայց որոշները հաջող կլինեն եւ թույլ կտան նվազեցնել առողջապահության համակարգի լարվածությունը: Պետք է գտնել դեղամիջոց, որն արդյունավետ կլինի վարակվածության 95 տոկոսի դեպքում: Դա թույլ կտա մարդկանց իրենց անվտանգ զգալ հանրային վայրերում, ինչն էլ հնարավորություն կտա վերսկսել նորմալ գործունեությունը: Գեյթսը հեռանկարային է համարում արյան պլազմայի կամ հակամարմինների, հակավիրուսային դեղամիջոցների եւ հիդրոքսիքլորոխինի օգտագործումը:

Պատվաստանյութ
Կորոնավիրուսին ամբողջությամբ հաղթելու միակ միջոցը պատվաստանյութն է, այլընտրանք չկա, համոզված է Գեյթսը: Այդուհանդերձ, նա զգուշացրել է, որ սովորաբար նոր հիվանդության դեմ պատվաստանյութ մշակելու եւ այն շուկա հանելու համար պահանջվում է 5 տարի: Գեյթսի խոսքով, ինքը լավատես է եւ համարում է, որ պատվաստանյութը ի հայտ կգա 18 ամսից, թեեւ հնարավոր է, դրա մշակումը տեւի մինչեւ երկու տարի:

Թեստավորում
Թեստավորումը կարեւոր դեր է խաղում կարանտինը հանելու գործընթացում: COVID-19-ի թեստ պետք է հանձնի յուրաքանչյուրը, ով հիվանդության ախտանշաններ է նկատում, ինչպես նաեւ այդպիսի անձանց հետ շփված անձինք: Իդեալական կլինի, եթե այդ թեստերը հանձնեն տանը: Կարեւոր է վարձել որքան հնարավոր է շատ մարդկանց վարակվածների հետ շփումներին հետեւելու համար, ինչպես դա արել են Գերմանիայում: 

Հետեւել շփումներին
Սա վարակի տարածման դեմ պայքարում կարեւորագույն ուղղություն է: Գեյթսը կարծում է, որ թեստավորելիս առաջնեհերթությունը պետք է տրվի կորոնավիրուսով վարակված հետ սերտ շփում ունեցած մարդկանց: Երկրների մեծ մասը պետք է հետեւեն Գերմանիայի օրինակին:

Գիտնականները նոր տեխնոլոգիա են մշակել արեւային կայանների արդյունավետության բարձրացման համար

Սանկտ Պետերբուրգի պոլիտեխնիկական համալսարանի գիտնականները նոր տեխնոլոգիա են մշակել, որը թույլ է տալիս բարձրացնել արեւային կայանների արդյունավետությունը: Այդ նպատակով գիտնականները նոր մոտեցում են առաջարկել արեւային վահանակների ֆոտոէլեկտրական տարրերի անհավասար ծերացման խնդիրը լուծելու համար` առանց հնացած մասերը նորերով փոխարինելու: Գիտնականները պարզաբանել են, որ արեգակնային վահանակների օգտագործումն էներգիայի արտադրության գործընթացում զուգորդվում է մի շարք դժվարություններով. բացօթյա օգատգործման պայմաններում արեւային մարտկոցը ենթակա է փոշոտման, խոնավեցման եւ ջերմաստիճանի էական փոփոխությունների: Բացի այդ, ըստ նրանց, ամպամածության պատճառով թիթեղները մասնակի մթնեցումներ են ունենում, իսկ դա ազդում է վահանակների ծառայման ժամկետի եւ էներգիայի փոխանցման արդյունավետության վրա:
Նման սխեմաները ներկայումս օգտագործվում են վահանակների կարողությունների ամփոփման համար, ինչի արդյունքում հնացած մոդուլների մասնակի փոխարինումն անշահավետ է դառնում: Ըստ գիտնականների` մոդելավորման արդյունքները ելքային առավելագույն հզորության զգալի աճ են ցույց տալիս: Հետազոտողները ցույց են տվել, որ մշակված համակարգն օգտագործելիս արեւային վահանակներում անհավասար հնացած ֆոտոէլեկտրական մատրիցայից դուրս բերվող հզորությունը զգալիորեն մեծանում է:

Apple-ն ու Google-ը  COVID_19 կորոնավիրուսի վարակակիրներին հայտնաբերելու տեխնոլոգիա են մշակել

Google և Apple ընկերությունները համատեղ մշակել են տեխնոլոգիա, որը կօգնի պարզել, թե ում հետ են շփվել կորոնավիրուսով վարակված մարդիկ: Այս մասին հայտարարությունները հայտնվել են երկու ընկերությունների կայքերում։
Միևնույն ժամանակ, ընկերությունները հավաստիացնում են, որ օգտատերերի գաղտնիությունը, ինչպես նաև նրանց անվտանգությունն ապահոված կլինի։
Նոր տեխնոլոգիան կօգնի երկրի իշխանություններին զսպել կորոնավիրուսի տարածումը՝ թույլ տալով նույնականացնել հիվանդ մարդկանց հետ շփումները: Տեխնոլոգիայի մեկնարկը տեղի կունենա երկու փուլով: Առաջին փուլում կստեղծվի ծրագրային ինտերֆեյսը, որը կապահովի Android և iOS-ով աշխատող սարքերի միջև փոխգործակցությունը: Իսկ երկրորդ փուլով վարակակրի հետ շփման մասին նախազգուշացնող ազդանշանները կհաղորդվեն սմարթֆոնին Bluetooth-ի միջոցով:

Նշվել է այն պետությունը, որտեղ կորոնավիրուսով վարակման ոչ մի դեպք չի հայտնաբերվել

Խաղաղ օվկիանոսի հարավային մասում գտնվող Կուկի կղզիները պաշտոնապես հայտարարվել են տարածք, որտեղ կորոնավիրուսով վարակման ոչ մի դեպք չի հայտնաբերվել։
Անցկացված բոլոր 900 թեսթերը բացասական արդյունք են ունեցել, հայտնել են տեղի կառավարությունում։
Մարտին, այն բանից հետո, երբ 3000 կմ հեռավորությամբ Նոր Զելանդիայում գրանցվեցին վարակման առաջին դեպքերը, կղզիներում սահմանափակման միջոցառումներ մտցվեցին։ Դրանցից մի քանիսն արդեն մեղմացվել են։

Եվրոպայում օդի աղտոտվածության ցուցանիշը կարանտինի արդյունքում նվազել է 45 տոկոսով

Եվրոպական տիեզերական գործակալության Copernicus Sentinel-5P արբանյակի՝ արդեն հասանելի դարձած նոր լուսանկարներից երևում է, որ նոր տեսակի կորոնավիրուսի համավարակի հետևանքով սահմանված կարանտինային ռեժիմի արդյունքում Եվրոպայի երկնքում օդի որակը էականորեն բարելավվել է, համավարակի բռնկումից ի վեր եվրոպական մի շարք քաղաքներում նկատվել է նիտրոգենի երկօքսիդի ծավալի մոտ 45 տոկոս նվազում։
Նիդեռլանդների թագավորական օդերևութաբանական ինստիտուտի (KNMI) գիտնականները վերջին մի քանի ամսվա արբանյակային տվյալների միջոցով ստուգել են Եվրոպայում օդի աղտոտվածության մակարդակը։ Հիմնականում Իտալիայի, Իսպանիայի և Ֆրանսիայի խոշոր քաղաքների տվյալների հիման վրա կատարված ուսումնասիրության մեջ այս տարվա մարտ և ապրիլ ամիսների ցուցանիշները համեմատվում են 2019 թվականի նույն ժամանակահատվածի հետ։
Այսպիսով՝ Մադրիդում, Միլանում, Հռոմում գրանցվել է նիտրոգենի երկօքսիդի 47-49 տոկոս նվազում, իսկ ահա ամենաբարձր ցուցանիշը՝ 54 տոկոս, գրանցվել է Ֆրանիսայում։ Թեև Եվրոպական տիեզերական գործակալությունը Մեծ Բրիտանիայի մասին դեռևս նոր տվյալներ չի հրապարակել, սակայն Լոնդոնի օդի որակի ցանցի ուսումնասիրությունը կրկին ցույց է տվել օդի աղտոտվածության մակարդակի զգալի անկում։

Գիտնականները պարզել են՝ որ ջերմաստիճանի դեպքում է կորոնավիրուսը վերջնականապես «մահանում»

Պրովանսի համալսարանի մի խումբ ֆրանսիացի գիտնականներ պարզել են, որ կորոնավիրուսը վերջնականապես մահանում է 92 աստիճան ջերմային ազդեցությունից՝ 15 րոպեի ընթացքում:
Փորձի ընթացքում հետազոտողները կորոնավիրուսը մեկ ժամ շարունակ տաքացրել են մինչև 60 աստիճան ջերմաստիճանի և պարզել, որ այդ դեպքում վարակի որոշ հատվածներ պահպանում են բազմանալու հատկությունը:
Աղբյուրը մանրամասնում է, որ վարակի՝ մինչև 60 աստիճան մեկժամյա տաքացումը դրա ապաակտիվացման ընդունված ընթացակարգ է լաբորատորիաների մեծ մասում, որտեղ ուսումնասիրում են հիվանդների անալիզները: Սակայն կորոնավիրուսի դեպքում պարզվել է, որ այն վերջնականապես ապաակտիվացնել է հաջողվում միայն 92 աստիճան տաքացման պայմաններում` 15 րոպեի ընթացքում:
Փորձի համար ֆրանսիացի գիտնականներն օգտագործել են աֆրիկյան կանաչ կապկի երիկամի բջիջները, որոնք վարակվել են գերմանացի հիվանդից ստացված կորոնավիրուսով: Վարակված բջիջները տեղադրվել են երկու խողովակում. առաջինը` մաքուր միջավայրով, երկրորդը` կենդանական ծագման սպիտակուցներով՝ ստեղծելով ոչ թե ստերիլացված, այլ ռեալ պայմանների տպավորություն:
Տաքացման սովորական ընթացակարգից հետո մաքուր միջավայրում վարակն ամբողջովին ապաակտիվացել է, սակայն ոչ ստերիլ միջավայրում նրա որոշ մասնիկներ պահպանվել են: Ուսումնասիրողները ենթադրել են, որ ստանդարտ ընթացակարգը կարող է բավարար լինել միայն ցածր վիրուսային ծանրաբեռնվածությամբ օրինակներում այն ապաակտիվացնելու համար, սակայն բարձր ծանրաբեռնվածության դեպքերում դա կարող է չբավարարել:
Փորձի հեղինակները նշել են, որ իրենց ուսումնասիրման արդյունքները պետք է ծառայեն վարակն ապաակտիվացնելու ավելի լավ օրակարգի ընտրմանը` խուսափելու համար վարակների հետ անմիջականորեն աշխատող բուժանձնակազմերի վարակումից: 

Հայաստանը Չինաստանից ներկրել է կորոնավիրուսի թեստերի արտադրության համար անհրաժեշտ 100 հազար ռեագենտ

Չինաստանից Հայաստան են ներկրվել 100 հազար թեստերի ռեագենտներ, որոնք հանձնվելու են Մոլեկուլյար կենսաբանության ինստիտուտին:
Ըստ կառավարության տեղեկատվության մեր երկրում սկսելու են արտադրել ՊՇՌ թեստեր և այստեղ էլ դրանք սպառվելու են։  

 

 

 

 

Հայ գիտնականները մշակել են «Բիօքսիլ-2» մատչելի ախտահանիչը

ՀՀ ԳԱԱ Ա.Բ. Նալբանդյանի անվան քիմիական ֆիզիկայի ինստիտուտում մշակվել է նոր սերնդի կոմպոզիտային, արդյունավետ, քլոր չպարունակող, ակտիվ թթվածնի հիման վրա՝ մատչելի և բնապահպանական նպատակային պայմաններին բավարարող «Բիօքսիլ-2» ախտահանիչը և դրա արտադրության համապատասխան տեխնոլոգիա:
Տեխնոլոգիական իրականացումը սկզբնական փուլում՝ 1 տոննա/օր արտադրողականությամբ, արդեն իսկ ներդրված է ՀՀ ԳԱԱ քիմիական ֆիզիկայի ինստիտուտի փորձնական արտադրամասում: Ախտահանիչն անցել է մանրէասպան հատկությունների համապատասխան փորձարկումներ: Բոլոր փորձարկումների արդյունքում հաստատվել է ախտահանիչի բարձր արդյունավետությունը, ՀՀ «Ստանդարտների ազգային ինստիտուտում»  հաստատվել են տեխնիկական պայմանները: Հանրապետությունում ստեղծված ներկա արտակարգ իրավիճակում, ՀՀ ԳԱԱ Ա.Բ. Նալբանդյանի անվան քիմիական ֆիզիկայի ինստիտուտն իր միջոցներով արտադրել է 1 տոննա ախտահանիչ միջոց, անհատույց տրամադրել ԱԻ նախարարությանը՝ նպատակային օգտագործման համար: Տարածվող կորոնովիրուսի համավարակի  դեմ տարվող պայքարի  շրջանակներում ՀՀ ԳԱԱ Ա.Բ. Նալբանդյանի անվան քիմիական ֆիզիկայի ինստիտուտը այդ նպատակով պատրաստ է իրականացնել «Բիօքսիլ-2» ախտահանիչի մեծածավալ արտադրություն: 

Ճապոնիայում կորոնավիրուսի հարուցչի բազմացումը զսպող դեղամիջոց են գտել

Ճապոնացի բժիշկները հանգել են նախնական եզրակցության, ըստ որի՝ «Նելֆինավիր» հակառետրովիրուսային դեղամիջոցը կանխում է կորոնավիրուսի բազմացումը: Նշվում է, որ «Նելֆինավիր»-ն օգտագործվում է մարդու իմունային անբավարարության վիրուսի դեմ։ ՄԻԱՎ-ի բուժման համար այս դեղամիջոցն օգտագործվում է այլ հակառետրովիրուսային դեղերի հետ համատեղ:
Հետազոտողներն ուսումնասիրել են նման ինը դեղամիջոց և հայտնաբերել, որ «Նելֆինավիր»-ը, նույնիսկ փոքր դոզանների օգտագործման դեպքում, կարող է կանգնեցնել կորոնավիրուսի հարուցչի վերարտադրությունը: Ընդգծվում է, որ դեռևս COVID-19-ի բուժման համար ստուգված միջոցներ չկան, ուստի՝ անհրաժեշտ է փորձարկել արդյունավետ հակավիրուսային դեղամիջոցները:

 

Ինչպե՞ս վերականգնել ջնջված ֆայլերը ցանկացած սարքում

Ֆայլերը չկորցնելու համար հարկավոր է պարբերաբար ռեզերվային կրնկնօրինակներ ստեղծել, ամենապարզ միջոցը ամպային համակարգերում ֆայլերը պահելն է, օրինակ՝ iCloud , Dropbox, Google Drive, OneDrive և այլ ամպային պահոցներում: Դրանք ավտոմատ կերպով ստեղծում են ֆայլերի պահեստային տարբերակներ և թույլ են տալիս վերականգնել դրանք ցանկացած պահի:


Windows և macOS

Windows-ով և macOS-ով աշխատող համակարգիչների համար պետք կգան հատուկ ծրագրեր ջնջված ֆայլերը վերականգնելու համար: Windows-ի համար ամենահայտնի տարբերակը Recuva-ն է: Կան նաև ալտերնատիվներ՝ DMDE և PhotoRec:
Mac-ի տերերը կարող են օգտվել Disk DrillProsoft Data Rescue և MiniTool Mac Data Recover ծրագրերից: Նշվածներից առաջինն ամենահայտնին և արդյունավետն է և դրա անվճար հնարավորությունները բավարար են:

Android
Android սմարթֆոններում կարող եք երկու տարբերակով հետ բերել ֆայլերը: Առաջինն ամենապարզն է՝ ներբեռնեք DiskDigger կամ Undeleter հատուկ ծրագրերը և դրանցով սկանավորեք հիշողությունը: Երկրորդ տարբերակով՝ կարող եք սմարթֆոնը կցել համակարգչին և Android-ի պահոցում Recuva կամ Disk Drill ծրագրերով կատարել նույն գործողությունը:
Իհարկե, սմարթֆոնների պարագայում նույնպես պետք է չմոռանալ բեքափի մասին: Google Photos-ում դրանք պահպանելը վատ տարբերակ չէ:

Հնդկաստանում ռոբոտ-բուժքույրերը կծառայեն կորոնավիրուսով վարակված մարդկանց

Ռոբոտ բուժքույրերն ու բուժակները շուտով կսկսեն ծառայել Հնդկաստանի հիվանդանոցներում, պայքարելու համար ընդդեմ կորոնավիրուսի համաճարակի: «Ամերիկայի ձայն»-ը տեղեկացնում է, որ փորձարկումների փուլում գտնվող ռոբոտ-բուժքրոջ նպատակը վարակակիրների հետ իրական բուժքույրերի շփումը նվազեցնելն է:

«Դոքաթ Աուրա» անունով ռոբոտը կարող է դեղամիջոցներ տալ ու սննդամթերք մատուցել մեկուսացման մեջ պահվող հիվանդներին: Այն տեղաշարժվում է հատակին տեղադրված ֆոտոզգայուն գոտու օգնությամբ ու կարող է հիվանդների հետ հաղորդակցվել պարզ արտահայտություններով ու նախադասություններով:
«Dotworld Technologies»-ի պատասխանատուներն ասում են, թե այս ռոբոտը ծառայելու է կորոնավիրուսի թեթև տեսակով տառապող հիվանդներին:
Հնդկաստանը պատրաստվում է 45 օրերի ընթացքում արտադրել նման 100 ռոբոտ և շարունակել աշխատանքը ամսական հարյուրական ռոբոտների արտադրությամբ:

Գիտնականները 60 000-ամյա ստորջրյա անտառ են հայտնաբերել

Ամերիկացի գիտնականները ստորջրյա անտառ են հայտնաբերել, որը շուրջ 60 000 տարի առաջ աճելիս է եղել Մեքսիկական ծոցի մոտ:
Տասնյակ հազարավոր տարիներ առաջ Մեքսիկական ծոցի մոտակա գետի ափին կիպարիսի (նոճու) անտառ է եղել: Ծառերը մեծանալով ընկել են և թաղվել հողային նստվածքի տակ: Երբ ծովի մակարդակը բարձրացել է, անտառի մնացորդները ծածկվել են ջրով:

Այժմ գիտնականները գտել են ջրի տակ գտնվող այդ նույն անտառը և կարծում են, որ այնտեղ կարող են նոր դեղամիջոցների ստեղծման գաղտնիքներ հայտնաբերել և մարդկանց կյանքեր փրկել:  
ԱՄՆ Օվկիանոսային և մթնոլորտային հետազոտությունների ազգային կենտրոնի տվյալներով՝ անտառը հազարամյակներով չի ուսումնասիրվել:  
Մասնագետները ջրի հատակից կարողացել են ծառի մնացորդներ դուրս բերել ուսումնասիրելու համար: Նրանց խոսքով՝ դրանք բավականին լավ են պահպանվել՝ չնայած հազարավոր տարիներ ջրի տակ գտնվելուն:  
Նշվում է, որ լաբորատոր հետազոտության ժամանակ փայտի միջից կարողացել են տարբեր տեսակի կենդանի օրգանիզմներ դուրս բերել, որոնց քանակը գերազանցել է 300 օրինակը: Նախկինում նրանց չէր հաջողվել կենդանի օրգանիզմներ (ապրող մանրէներ) հայտնաբերել 60 000-ամյա անտառի մնացորդներում:

Իսրայելում աճեցնում են արհեստական սթեյք, որը նույնական է բնական տավարի մսի հետ

Իսրայելի տեխնոլոգիական ինստիտուտի աշխատակիցները հայտարարել են արհեստական միս ստեղծելու ոլորտում առաջխաղացման մասին։
Կենսաբժշկական ինժեներիայի ֆակուլտետի դեկան Շուլամիթ Լեւենբերգը Aleph Farms ընկերության համահիմնադիրներից է, որը մասնագիտանում է արհեստական սթեյքեր ստեղծելու մեջ, որոնք նույնական են բնական տավարի մսի հետ։ Նորարարական տեխնոլոգիաները, որոնք կիրառում է ստարտափը, թույլ են տալիս աճեցնել սինթետիկ միս, որն իր կառուցվածքով եւ գույնով գրեթե անհնար է տարբերել իրական տավարի մսից։
Aleph Farms տեխնոլոգիայի հիմնական առանձնահատկությունը սոյայի սպիտակուցից կարկասի մեջ բջիջների աճեցումն է, որը կատարում է արտաբջջային մատրիցայի դեր։ Կովերից վերցված բջիջները մասնատվում եւ աճեցվում են կենդանու մարմնից դուրս՝ ստեղծելով սոյայից կարկասից սթեյքեր։ Դրանց կարելի է հաղորդել գրեթե ցանկացած ձեւ, ուստի այդ տեխնոլոգիայի հիման վրա կարելի է ստեղծել ցանկացած պրոդուկտ արհեստական մսից։ Սինթետիկ միսը, որը ստեղծվում է հեռանկարային տեխնոլոգիաների հիման վրա, գրեթե չի տարբերվում բնական մսից, սակայն դրա արտադրության համար կարելի է չսպանել կովերին։ Հետագայում այդպիսի մթերքները թույլ կտան զգալիորեն կրճատել բնապահպանական վնասը, որը պայմանավորված է ավանդական անասնաբուծությամբ։

Ստեղծվել է «խելացի զուգարան», որը հետեւում է օգտատիրոջ առողջության ցուցանիշներին

«Խելացի» զուգարանը, որը նկարագրված է Nature Biomedical Engineering գիտական պարբերականում, կարող է վերահսկել իր տիրոջ առողջական վիճակը, ինչպես նաեւ վտանգավոր հիվանդությունները հայտնաբերել զարգացման վաղ փուլերում:

Նախագծի հեղինակներին հաջողվել է մշակել բիոտեխնոլոգիական համակարգ, որը կարելի է օգտագործել սովորական զուգարանակոնքի հետ կապելով: «Խելացի» զուգարանը աշխատում է ինքնավար ռեժիմով եւ չի նախատեսում մարդու կողմից որեւիցե բարդ միջամտություն:
Դուք ախտորոշումը ստանալու համար արտասովոր ոչ մի բան անելու կարիք չունեք: Դուք պարզապես զուգարան եք գնում, իսկ մնացյալ ամեն ինչն անում է «խելացի» համակարգը: Մեր մշակումը կարող է հայտնաբերել մի ամբողջ շարք վտանգավոր հիվանդություններ՝ սկսած միզուղիների ինֆեկցիոն ախտահարումներից եւ ավարտած շաքարային դիաբետով ու աղիների պաթոլոգիաներով՝ նշելով, որ ախտորոշման համար կիրառվում են տարբեր քիմիական հաղորդիչներ, ինչպես նաեւ արհեստական ինտելեկտին միացված խցիկներ:
Զուգարանը կարող է հետեւել ընտանիքի մի քանի անդամների առողջության ցուցանիշներին. օգտվողների նույնականացման համար նախատեսված է մատնահետքերի սքաներ: «Խելացի» համակարգը հավաքում է հիվանդությունների ախտորոշման համար այնպիսի կարեւոր տվյալներ, ինչպես զուգարանակոնքին նստելու ժամանակը՝ բժիշկները կարող են այս տեղեկությունն օգտագործել պացինետներին զգուշացնելու համար թութքի զարգացման վտանգի մասին:

Ճապոնացի գիտնականները պլաստիկ են ստեղծել, որը ծովի ջրում քայքայվում է

Ճապոնիայից գիտնականները բուսական հիմքով պլաստիկ են մշակել, որը կարող է ծովի ջրում քայքայվել: Նոր նյութի ստեղծման մասին, որը կարող է նպաստել ծովերի եւ օվկիանոսների պլաստիկային աղտոտման խնդրի լուծմանը:

Խոսքը նյութի էժան արտադրության մասին է, որն արժեքավոր որակով է օժտված. այն աղի ջրում բիոքայքայվող է: Ենթադրվում է, որ բուսական հիմքով նոր պլաստիկը օգտագործվելու է հիմնականում որպես փաթեթավորման նյութ:
Նյութը ստեղծողները՝ Օսակայի համալսարանի աշխատակիցները, ասում են, որ նոր բիոքայքայվող պլաստիկի հիմքում օսլան է, որը պարունակվում է բուսական հումքում: Ավելին՝ շրջակա միջավայրի համար անվտանգ պլաստիկի արտադրության համար կիրառվում է ցելյուլոզա, որը ստանում են փայտի զանգվածից: Նոր նյութը նմանօրինակներից տարբերվում է բավականին բարձր մարությամբ:

Գիտնականները բացահայտել են Սատուրնի տաք մթնոլորտի գաղտնիքը

Գիտնականները բացատրել են Սատուրն մոլորակի մթնոլորտի վերին շերտերի բարձր ջերմաստիճանը: Իրենց եզրակացությունների համար գիտնականները որպես հիմք են ընդունել Cassini Grand Finale միջմոլորակային կայանի տվյալները:

Կայանի տվյալների շնորհիվ հնարավոր է դարձել կազմել «գազային հսկայի» մթնոլորտի վերին շերտերում ջերմաստիճանի բաշխման քարտեզը:
«Սատուրնի մթնոլորտի խտությունը բարձրությանը զուգահեռ նվազում է, իսկ խտության նվազման տարբերությունը կախված է ջերմաստիճանից: Ջերմաստիճանի առավելագույն ցուցանիշները մոլորակի բևեռների մոտ են»,-ասված է ուսումնասիրությունում:
Այս երևույթի պատճառն էլեկտրական հոսանքներն են, որոնք առաջանում են Սատուրնի արբանյակներից արևային քամու և լիցքավորված մասնիկների շփումից: Նրանք ստեղծում են բևեռափայլին նմանվող էֆեկտներ:
Էլեկտրական հոսանքները տաքացնում են Սատուրնի բևեռային հատվածների մթնոլորտի վերին շերտերը, որից հետո քամիների գլոբալ համակարգը բևեռներում հավաքված ջերմային էներգիան բաշխում է ողջ մոլորակի տարածքում:
Գիտնականները կարծում են, որ այդ պատճառով մոլորակի հասարակածային գոտու ջերմաստիճանը կրկնակի ավելի բարձր է միայն արևային էներգիայի առաջացրած ջերմությունից:

Թաիլանդի հիվանդանոցներում կորոնավիրուսով վարակվածներին խնամում» են նինձա ռոբոտները             

Թաիլանդի մի շարք հիվանդանոցներում կորոնավիրուսով վարակվածներին սկսել են սպասարկել ռոբոտները: Նշվում է, որ մեքենաները չափում են հիվանդների ջերմությունը և մի շարք այլ գործառույթներ իրականացնում։ Ռոբոտները շարժվում են ոչ մեծ անիվների օգնությամբ։ Դրանք բուժանձնակազմին օգնում են սպասարկել հիվանդներին՝ այդպիսով իջեցնելով հիվանդների և բժշկների միջև ուղղակի շփման մակարդակը։
Ռոբոտների ստեղծման և կատարելագործման թիմը ծրագրում է ապագայում նրանց հատակը լվանալ և հիվանդներին սնունդ հասցնել «սովորեցնել»։ Աղբյուրը մանրամասնում է, որ «նինձա ռոբոտները» ի սկզբանե նախատեսված են եղել ուղեղի կաթված ստացած հիվանդներին հետևելու նպատակով։ Թաիլանդում նոր տեսակի կորոնավիրուսով վարակվել է ընդհանուր 700 մարդ։ Երկրում այս իվանդությունից մահվան որևէ դեպք չի գրանցվել։

Ամերիկացի ինժեները ծալվող անիվներով հեծանիվ է ստեղծել

Կալիֆորնիացի ինժեներ  Ալեքս Անիմաշոնը ծալվող անիվներով հեծանիվ է ստեղծել։
Անիմաշոնը հույս ունի, որ իր հայտնագործությունը տարածում կգտնի հատկապես մեծ քաղաքների բնակիչների շրջանում, որոնք հաճախ հեծանիվներով են քաղաքային հսկա փողոցներից մեկից մյուսը տեղափոխվում։
«Երեք մասի բաժանված պիցցա պատկերացրեք. հեծանվի անիվը ծալվում է, երբ մի մասը բարձրացնում ու թեքելով դնում ենք մյուսի վրա։ Նույն պրոցեսը կրկնում ենք ևս մեկ անգամ և իրար վրա դրված երեք մաս ստանում։ Անիվների միացման բոլոր հատվածներում և հանգույցի վրա ամրակ կա: 
Ծալված դիրքով հեծանիվն ընդհանուր 14 կիլոգրամ է կշռում։
Հայտնագործողի խոսքով՝  նման հեծանվի մոտավոր արժեքը կտատանվի 1600-2500 դոլարի սահմանում։



Instagram-ում նոր ֆունկցիա է հայտնվել

Instagram սոցիալական հարթակը գործի է դրել նոր ֆունկցիա:
Սոցիալական ցանցում արդեն իսկ գործում է մեսինջերը, որի միջոցով օգտատերերը կարող են տեսազանգերով շփվել իրենց ընկերների հետ: Այսուհետ բացի այս հնարավորությունից, Instagram-ում օգտատերերը կկարողանան նաև միասին հրապարակումներ դիտել հենց զանգի ընթացքում: Նոր ֆունկցիան թույլ է տալիս օգտատիրոջը մյուս օգտատերերի հետ կիսվել այդ պահին իրենց դուր եկած հրապարակումներով:
Ըստ ցանցի պատասխանատուների՝ սա կօգնի մեկուսացման մեջ գտնվող մարդկանց ավելի հետաքրքիր անցկացնել իրենց առօրյան:
Հիշեցնենք, որ Instagram-ը իր պայքարն է մղում տարածվող կորոնավիրուսի դեմ: Մասնավորապես, Instagram-ում կորոնավիրուսի մասին տեղեկություն փնտրելիս ցանցը միանգամից հղում է կատարում վստահելի աղբյուրների:

Microsoft-ը ցույց է տվել Windows-ի նոր թարմացված տարբերակը

Windows-ի նոր թարմացման մեջ Start բաժինը ներկայացվել է նոր Fluent Design ոճով, այս մասին հրապարակված տեսանյութում ցույց է տվել Microsoft Devices-ի տնօրեն Պանոս Պանայը՝ Instagram-ի իր էջում:
Ըստ նրա տեղեկությունների՝ հոլովակը հրապարակվել է ի նշան Windows 10-ի 1 մլրդ տեղադրված ակտիվ օպերացիոն համակարգերի։ Տեսանյութում ներկայացված է օպերացիոն համակարգի՝ տարիների ընթացքում գրանցած փոփոխությունները, ինչպես նաև նկարները, որոնք պետք է հայտնվեն թարմացված տարբերակում։
Հիմնական մենյուն (Start) ունի փոփոխված դիզայն՝  Microsoft-ի Fluent Design գրաֆիկական ինտերֆեյսի ոճով։ Ենթադրվում է, որ թարմացված ինտերֆեյսը կհայտնվի Windows 10-ի 2004-ի թարմացված տարբերակում։

 

Huawei ընկերությունը թողարկել է իր սմարթֆոնների համար թարմացված թաղանթներ

Huawei ընկերությունը պաշտոնապես հայտարարել է իր սմարթֆոնների համար EMUI 10.1 թարմացված թաղանթի թողարկման մասին, որը ստացել է բազմաթիվ օգտական նորամուծություններ։ Թարմացումը կստանան Huawei Mate 30, Mate X, P30 եւ ավելի քան 30 այլ մոդելների սմարթֆոններ են:
Եւ այսպես, ի՞նչ ունակություններ ունի EMUI-ն։ Ահա հիմնական նորամուծությունները:
- անիմացիան դանդաղում է նախքան դադարելը։ Այդ մոդելը մշակված է՝ հաշվի առնելով մարդկային ընկալման առանձնահատկությունները։
- կողմնային պանելը առաջ է քաշվում «մատը ցանկացած ծայրից կենտրոնում հպելու» ժեստի միջոցով։ Բազմապակի ռեժիմը գործադրելու համար կողմնային պանելից հավելվածները հնարավոր կլինի տեղափոխել էկրանի վրա, պատկերները, տեքստերն ու ֆայլերը հնարավոր կլինի տանել մեկ հավելվածից դեպի մյուսը։ Լողացող պատուհանը թույլ է տալիս օգտագործել հավելվածը՝ չբացելով այն լիարժեք էկրանով։
- մի քանի սարք կառավարելու պանելը թույլ է տալիս տեսնել բոլոր հասանելի գաջեթները դրանց միանալու համար։ Այն օգտագործվում է սարքավորումները միացնելու կամ անջատելու համար, ինչպես նաեւ խորհուրդ է տալիս այս կամ այն խնդրի համար հարմար սարքերը, օրինակ, եթե օգտատերն անջատել է երաժշտությունը, այն խորհուրդ է տալիս տեղափոխել ձայնը դեպի խելացի սյունակը։
-Huawei MeeTime-ը հավելված է տեսազանգերի համար Huawei սմարթֆոնների միջեւ, որոնք ապահովում են FullHD կարգավորումը։ Դրանում ներկառուցված են բյութիֆիկացման եւ պայծառության մեխանիզմները, ինչպես նաեւ անկայուն ազդանշանի դեպքում սահուն տեսակապի ապահովման համակարգը։

 Կորոնավիրուսի համավարակն ամբողջ աշխարհում հանգեցրել է օդի աղտոտվածության մակարդակի զգալի նվազմանը

Կորոնավիրուսի համավարակն ամբողջ աշխարհում հանգեցրել է օդի աղտոտվածության մակարդակի զգալի նվազմանը, ցույց են տալիս Եվրոպական տիեզերական գործակալության արբանյակային լուսանկարները։
Եվրոպական տիեզերական գործակալության արբանյակի տվյալները ցույց են տալիս, որ վերջին վեց շաբաթվա ընթացքում Ասիայի և Եվրոպայի մի շարք քաղաքներում ազոտի երկօքսիդի (NO2) մակարդակը զգալիորեն ցածր է, քան նախորդ տարվա նույն ժամանակահատվածում:
Լեսթերի համալսարանի օդի աղտոտման ամբիոնի պրոֆեսոր Փոլ Մոնքսի խոսքով՝ սա կարևոր դաս էր ապագայի համար։
Աղտոտվածության մակարդակի ամենամեծ անկումներից մեկը կարելի է դիտարկել Չինաստանի Ուհան քաղաքում, որտեղ հունվարին բռնկվել էր կորոնավիրուսի համաճարակը։ 11 միլիոն բնակչություն ունեցող քաղաքում հարյուրավոր գործարաններ են աշխատում, որոնք ավտոմոբիլային մասեր և այլ սարքավորումներ են մատակարարում ամբողջ աշխարհում։
ՆԱՍԱ-ի տվյալներով՝ վերջին մի քանի շաբաթների ընթացքում արևելյան և կենտրոնական Չինաստանում ազոտի երկօքսիդի մակարդակը նորմայից 10-30 տոկոսով ցածր է:

Առաջին անգամ Հայաստանում հայ գիտնականը շահել է Մարի Սկլոդովսկա-Կյուրի անհատական կրթաթոշակը     

Առաջին անգամ Հայաստանում հայ գիտնական, բույսերի գենետիկ Աննա Նեբիշը շահել է ԵՄ Հորիզոն 2020 Մարի Սկլոդովսկա-Կյուրի անհատական կրթաթոշակը: Աննա Նեբիշը խաղողի գենետիկայի հետազոտություններով զբաղվում է ՀՀ ԳԱԱ Մոլեկուլային կենսաբանության ինստիտուտում և ԵՊՀ գենետիկայի և բջջաբանության ամբիոնում: Այս կրթաթոշակի շնորհիվ Աննա Նեբիշը ժամանակակից մեթոդներով կիրականացնի խաղողի գենետիկայի ուսումնասիրություններ նոր գեներ հայտնաբերելու նպատակով: Նոր բազմակողմանի ուսումնասիրությունները նախատեսվում է իրականացնել Իսպանիայի Լոգրոնյո քաղաքի Խաղողի և գինու հետազոտությունների ինստիտուտում: Արդյունքները թույլ կտան ստանալ խաղողի նոր սորտեր ոչ թե քիմիական նյութերի ազդեցությամբ, այլ խաղողի սելեկցիայի և գենետիական ինժեներիայի աշխատանքների շնորհիվ, ինչը նորարարական լուծումներ կառաջարկի խաղողագործության և գինեգործության զարգացման համար:

 


Tesla-ի գործարանները պատրաստ են բժշկական սարքավորումներ արտադրել կորոնավիրուսով հիվանդների համար

Tesla ընկերությունը պատրաստ է թոքերի արհեստական օդափոխման սարքեր արտադրել, եթե հիվանդանոցներում լինի սարքերի դեֆիցիտ, գրել է ընկերության հիմնադիր Իլոն Մասկն իր թվիթերյան էջում:
Նա նշել է, որ իր ընկերությունում արդեն ստեղծում են էլեկտրական մեքենաների և տիեզերական սարքերի համար նախատեսված օդափոխման համակարգեր, այնպես որ այս առաջադրանքը նրանց համար բարդ չի լինի:
Ավելի վաղ թոքերի արհեստական օդափոխման սարքեր արտադրելու պատրաստակամություն հայտնել էին General Motors և Ford ընկերությունները: 

Չինացիները ներկայացրել են ձայնային նոր օգնականին, որի հետ կարելի է ի սրտե զրուցել

Xiaomi ընկերությունը պատրաստվում է թողարկել նոր ձայնային օգնական XiaoAI 3.0-ն։ Ընկերությունը վստահեցնում է, որ XiaoAI-ն լինելու է աշխարհի առաջին ձայնային օգնականը, որի հետ հնարավոր կլինի երկար խոսակցություն վարել կամ ուղղակի «չաչանակել»:  Իսկ ապագայում ընկերությունը խոստանում է, որ XiaoAI–ը կդառնա «ամենակենդանի» օգնականը:
Այս ամենից բացի նշվում է, որ զրույցն ամեն պահի հնարավոր է ընդհատել և օգնականին տալ որոշակի հրահանգներ, իսկ նա միանգամից կանցնի դրանց կատարմանը:

Մարկ Ցուկերբերգի հիմնադրած աշխարհահռչակ սոցցանցը պատրաստվում է փոփոխություններ անել իր սոցցանցերում

Facebook ընկերությունը ներկայացրել է նոր կորպորատիվ տարբերանշանը և ապրանքանիշի ռազմավարությունը։ Ընկերությունը հուսով է, որ դրանց շնորհիվ ընկերությունը կտարբերվի իր առանձին ծառայություններից և հավելվածներից:
Նոր տարբերանշանն իրենից ներկայացնում է հասարակ տառատեսակով, մեծատառերով, տպատառ գրված Facebook բառը:

 

 

 

 

Հայաստանում մշակվել է կորոնավիրուսից առաջացած թոքաբորբը գերարագ ախտորոշող ալգորիթմ

Արհեստական բանականության միջոցով տեխնոլոգիաների զարգացմամբ զբաղվող հայկական SmartClick ընկերությունը մշակել է նոր ալգորիթմ, որը կորոնավիրուսի հետևանքով առաջացող թոքաբորբը կարող է ախտորոշել վայրկյանների ընթացքում:
Ալգորիթմի լիարժեք գործարկման պարագայում՝ հնարավոր է հասնել մինչև 95 տոկոս ճշգրտությամբ ախտորոշման ու միաժամանակ հետազոտել մի քանի տասնյակ պացիենտների:

Թոքաբորբի ախտանիշերը բացահայտող նախագծի մտադրություն կար դեռ 2019-ից, Ընդհանրապես, կորոնավիրուսի բարդություններից մեկն այն է, որ այն հանգեցնում է թոքաբորբի: Դա նշանակում է, որ ախտորոշման համար բժիշկը պետք է ռենտգեն, համակարգչային տոմոգրաֆիա իրականացնի, գործ ունենա հարյուրավոր նկարների հետ, դրանցից յուրաքանչյուրը նայելու համար ծախսի 15-30 րոպե: Նման տեմպը նորմալ է, երբ օրվա ընթացքում բժիշկը կարող է հետազոտել մի քանի հիվանդի, իսկ երբ ախտորոշման համար արված նկարների թիվը մի քանի տասնյակից անցնում ու հարյուրների է հասնում, դա արդեն երկար ժամանակ ու ռեսուրս է պահանջվում: Հենց այստեղ է, որ օգնության կարող է գալ արհեստական բանականությունը: Ծրագրի հեղինակներն առաջարկում են բժշկի կատարած աշխատանքը փոխարինել արհեստական բանականությամբ: Այս պահին այդ նույն գործողությունն արհեստական բանականությունը կարող է կատարել 80 տոկոս ճշտությամբ և 20 վայրկյանում, սակայն լրացուցիչ աշխատանքի դեպքում այն հնարավոր է հասցնել 95 տոկոսի: Համակարգը կարող է միաժամանակ մի քանի տասնյակ հիվանդների առողջական վիճակի մասին ինֆորմացիա տալ:

Xiaomi-ն «խելացի» դիմակ է արտոնագրել, որը կկարողանա ֆիքսել շնչառության խախտումները

Չինական Xiaomi ընկերությունը «խելացի» դիմակի արտոնագիր է գրանցել, որը համալրված է զտիչ համակարգով և հատուկ ցուցիչներով՝ նախատեսված տեղեկության հավաքագրման համար: Սարքավորման մասին տվյալները հայտնվել են ԱՄՆ արտոնագրերի և ապրանքանշանների հարցով գերատեսչության բազայում:Դիմակը համալրված է ցուցիչներից ստացվող տեղեկության մշակման համար նախատեսված պրոցեսորով, ինչպես նաև պահպանման հարթակով և մարտկոցով:  Նման դիմակը կարող է իրական ժամանակում ստանալ տվյալներն ու փոխանցել դրանք այլ սարքավորումների կամ հատուկ բջջային հավելվածի: Գաջեթը նախատեսված է հավանական շնչառական խախտումները ֆիքսելու համար և կարող է շնչելու անհրաժեշտ մեթոդ առաջարկել:

Գիտնականներն անձրևի կաթիլներից էներգիա ստացող սարք են ստեղծել

Հոնկոնգցի գիտնականները նոր տեսակի էլեկտրագեներատոր են ստեղծել, որը թույլ է տալիս ավելի քան 140 վոլտ լարում ստանալ ջրի մեկ կաթիլի՝ 15 սմ բարձրությունից ընկնելուց:Ըստ գիտական ամսագրում հրապարակված հետազոտության արդյունքների այդ էներգիան կբավականացնի 100 ոչ մեծ լուսադիոդային լամպերի սնուցման համար:
Հոնկոնգի քաղաքային համալսարանի ինժեներների ստեղծած անձրևի կաթիլներից էլեկտրաէներգիա ստացող գեներատորը երկու հիմնական տարբերություն ունի նախկինում առկա նմանօրինակ տարբերակներից:
Առաջինը, այն պատրաստված է նյութից, որը գրեթե մշտապես ապահովված է էլեկտրական լիցքով: Դա բարձր խտության մակերեսային լիցքի կուտակման և պահպանման նոր մեթոդ է ապահովում: Այս գյուտը թույլ է տալիս շրջանցել ցածր խտության լիցքի խնդիրը:
Երկրորդ, սարքը կազմված է ալյումինային էլեկտրոդից և ինդիումի օքսիդից, ինչպես նաև անագից, ինչը դրական ազդեցություն է ունենում էներգիայի արտադրման, պահպանման և լիցքավորման վրա: 

Ստեղծվել է լուսնի փոշուց թթվածին արտադրելու սարք

Եվրոպական տիեզերական գործակալության Տիեզերական հետազոտությունների և տեխնոլոգիաների եվրոպական կենտրոնը ստեղծել է սարք, որը թթվածին է արդյունահանում լուսնի փոշուց: Սարքավորման աշխատանքային նախատիպը կարող է թթվածին արտադրել ռեգոլիթից: Գիտնականները պլանավորում են գործնականում փորձարկել մեխանիզմը: Մինչ այժմ այն աշխատել է միայն Երկրի վրա ստեղծված ռեգոլիթի պատճենով:
Գիտնականները նշում են, որ հաջողության դեպքում տեխնոլոգիան կօգնի ստեղծել բնակավայրեր լուսնի վրա: Նաև թթվածինը կարող է օգտագործվել տեղական հրթիռային վառելիք ստեղծելու և միջմոլորակային հրթիռները վերալիցքավորելու համար: Լուսնային փոշին բաղկացած է ռեգոլիթից, որը պարունակում է մոտ 40-45% թթվածին:

Հնագետները Չինաստանում հնագույն «անմահության էլիքսիր» են հայտնաբերել

Չինաստանի Հենան նախանգի Լոյան քաղաքում հնագետները հայտնաբերել են բրոնզե սափոր լցված արտասովոր հեղուկով, որը հնագույն ժամանակներում համարվում էր «անմահության էլիքսիր»:
3,5 լիտր հեղուկով լցված անոթը հայտնաբերվել է Արևմտյան Հան դինաստիայի (մ.թ.ա. 202 – մ.թ. 8) ժամանակաշրջանի դամբարանում: Սպիրտի հոտի պատճառով փորձագետները սկզբում ենթադրել են, որ սափորի մեջ ալկոհոլ է, սակայն փորձաքննության պատասխաններն այլ բան են ցույց տվել:

Հետազոտությունը ցույց է տվել, որ հեղուկը պարունակում է կալիումի և ալունիտի նիտրատ՝ տարրեր, որոնք հին դաոսական տեքստերում նշված են, որպես անմահություն պարգևող ըմպելիքի պատրաստման համար անհրաժեշտ բաղադրիչներ:
Բացի այդ, դամբարանում հայտնաբերվել են նաև ներկված կավե կճուճներ, ինչպես նաև պղնձյա և նեֆրիտե իրեր: Դամբարանում թաղված մարդու ինքնությունն առայժմ հայտնի չէ:
 

Գիտնականները զգուշացրել են, որ Երկիր մոլորակն «արդեն հասել է կլիմայի փոփոխության բեկումնային պահին»՝ կոչ անելով անհապաղ  քայլեր ձեռնարկել

Գիտնականների խումբը զգուշացրել է, որ մարդկությունը հասել է գլոբալ տաքացման «բեկումնային պահին», և Երկիր մոլորակի մի շարք հատվածներում կլիմայի փոփոխություններն արդեն իսկ տագնապալի արդյունքներ են գրանցել: Գիտնականները «բեկումնային պահ» են որակում հետևյալ գործոնները.

  • Արկտիկայում և Անտարկտիկայում սառույցի հալոցքը,
  • Գրենլանդիայում սառույցի հալոցքը,
  • Ատլանտյան օվկիանոսային հոսանքների դանդաղումը,
  • Ամազոնի արևադարձային անտառներում երաշտը,
  • Կանադայում և Ռուսաստանում անտառային հրդեհները:

Գիտնականների համաձայն՝ այս ամենը կարող է «դոմինոյի էֆեկտ» ունենալ` սպառնալով մարդկության գոյությանը:
Հատուկ այս ուսումնասիրության համար տարբեր համալսարաններից համախմբված գիտնականների խումբը ջերմոցային գազերը կրճատելու հրատապ կոչով է հանդես եկել:
«Արագ ու անդառնալիորեն աճող վտանգն ապացույցն է այն բանի, որ այլևս չի կարելի սպասել և անգործության մատնվել: Իրավիճակն անհետաձգելի է, և մենք շտապ արձագանքման կարիք ունենք»,- հայտնել է Էքսետեր համալսարանի դասախոս Թիմ Լենտոնը: 

Արհեստական բանականությունը հայտնաբերել է նոր հակաբիոտիկ

Եթե մենք ցանկանում ենք նոր հակաբիոտիկ պատրաստել, նախ պետք է հստակ որոշենք, թե բակտերիայի մեջ ինչն ենք ուզում «փչացնել»: Սա կարող է լինել, օրինակ, բջջային պատի կառուցման համար անհրաժեշտ ֆերմենտը կամ սպիտակուցների սինթեզում ներգրավված ֆերմենտը: Իմանալով  թիրախային մոլեկուլի կառուցվածքը՝ մենք ստեղծում ենք հակաբիոտիկի մոլեկուլ, որը կապվելու է թիրախին և վնասելու է այն:
Միաժամանակ, մենք իհարկե հիշում ենք, որ աշխարհում կան բազմաթիվ հակաբակտերիալ նյութեր, այնպես որ կարող ենք վերցնել որևէ պատրաստի հակաբիոտիկ և կատարելագործել այն` ավելացնելով որևէ քիմիական խումբ, որը պետք է բարձրացնի դրա արդյունավետությունը: Խնդիրն այն է, թե ինչպես արդեն գոյություն ունեցող միացություններից ընտրել առավել խոստումնալիցը: Եվ ահա, այստեղ ևս հայտնվում է արհեստական բանականությունը:
Մասաչուսեթսի տեխնոլոգիական ինստիտուտի (Massachusetts Institute of Technology)  հետազոտողները ստեղծել են նյարդային ցանց-ալգորիթմ, որը սովորել է քիմիական բազմաթիվ միացություններից ընտրել այն միացությունները, որոնք լավագույնս են կանխում բակտերիաների (մանրէների) աճը: Այս նյարդային ցանցին հաջողվել է ստեղծել նոր հակաբիոտիկ:
Ծրագիրը փորձարկվել է աղիքային ցուպիկի և 2335 մոլեկուլների վրա, որոնց մեջ եղել են ինչպես  բժշկական հակաբիոտիկներ, այնպես էլ՝ կենդանական, բուսական և մանրէաբանական ծագման տարբեր նյութեր` հակաբակտերիալ ակտիվությամբ:  Բացի այդ՝ եղել են նյութեր առանց հակաբակտերիալ ակտիվության: Հետազոտողները իհարկե գիտեին ամեն ինչ այդ մոլեկուլների մասին, բայց այժմ պետք էր, որ մեքենայական ալգորիթմը կարողանար համեմատել նյութերն ու ըստ կառուցվածքի և հասկանար, թե որն է հակաբիոտիկ:
Մարդու կողմից կատարվող անալիզի ժամանակ քիմիկոսներն ու կենսաբանները միշտ մտապահում են, թե մոլեկուլը բակտերիալ բջիջում տեղի ունեցող որ գործընթացների վրա է ազում և ատոմների որ խումբն է անհրաժեշտ կցել կամ հեռացնել, որպեսզի այն գործի ավելի արդյունավետ: Այսպիսով, ալգորիթմը ծրագրավորել են այնպես, որ այն չմտածի նման կերպ:
2335 մոլեկուլի վրա փորձարկումից հետո նյարդային ցանցին տվել են մոտավորապես 6000  պոտենցիալ ունեցող դեղամիջոցային մոլեկուլ, որոնք այժմ ուսումնասիրվում են, և հայտնի չէ, թե ինչպես են ազդում բակտերիաների վրա:
Առաջադրանքը նույնն էր` գտնել նյութեր, որոնք կանխում են աղիքային ցուպիկի աճը: Այդ 6000 նյութերից նյարդային ցանցը ընտրեց մոտավորապես 100-ը, որոնց փորձարկեցին իրական բակտերիաների վրա, և պարզվեց, որ մոլեկուլներից մեկը, որը ի սկզբանե ուսումնասիրվում էր որպես շաքարախտի բուժման համար հավանական դեղամիջոց, կարող է լինել արդյունավետ հակաբիոտիկ:
Նյութն անվանվել է հալիցին (halicin)՝  ի պատիվ «2001 թվականի տիեզերական ոդիսականը» (անգլ.՝ 2001: A Space Odyssey) ֆիլմից  հայտնի HAL 9000 համակարգչի (Սթենլի Կուբրիկի գիտաֆանտաստիկ ֆիլմն է: Եթե հիշենք, թե ինչպիսի խնդիրներ է ստեղծել HAL 9000-ը ֆիլմի հերոսների համար, ապա հումորը մի քիչ տարօրինակ է: Համենայն դեպս, շնորհակալություն, որ չեն անվանել SkyNet` ի պատիվ Տերմինատորը ֆիմլաշարի հայտնի հերոսի):
Հալիցինը ազդում էր ոչ միայն աղիքային ցուպիկի վրա, այլ նաև մի շարք այլ բակտերիաների` ներառյալ շտամների, որոնք բավականին դիմացկուն են տարատեսակ հակաբիոտիկների նկատմամբ:
Հալիցինը, ի տարբերություն մյուս հակաբիոտիկների, խաթարում է պրոտոնների հոսքը բջջային մեմբրանի միջով: Կենդանիների համար այն ցածր թունավորություն ունի (ի վերջո, կենդանական բջիջները և բակտերիալ բջիջները շատ տարբեր են միմյանցից) և, ամենակարևորը, բակտերիաները չեն կարող դրա նկատմամբ կայուն դառնալ, ծայրահեղ դեպքում հալիցինի նկատմամբ կայունությունը շատ ավելի դանդաղ է ձևավորվում, քան մյուս հակաբիոտիկների նկատմամբ:
Բացի 6,000 մոլեկուլից կազմված բազայից, հետազոտողները նյարդային ցանցին տվել են ևս մեկ բազա, որում ավելի քան 107 միլիոն մոլեկուլային կառուցվածք կար: Մեքենան դրանցից ընտեց 23 պոտենցիալ հակաբիոտիկ, իսկ բակտերիաների վրա կատարված թեստերը ցույց տվեցին, որ դրանցից 8-ի մեջ իսկապես առկա է հակաբակտերիալ ակտիվություն, իսկ այդ 8-ից երկու մոլեկուլային կառուցվածքները կարող են նույնիսկ գործել դեղակայուն շտամների դեմ:
Դեղերի նկատմամբ կայուն բակտերիաների մասին շատ է խոսվում. դա իսկական խնդիր է բժշկության մեջ, և այժմ ամբողջ աշխարհում փնտրում են հակաբիոտիկներ, որոնք կարող են սպանել հենց այդպիսի կայուն բակտերիաների:
Ժամանակ առ ժամանակ հայտնվում են տեղեկատվություններ, որ հողում, բադակտուցի մեջ կամ մարդու քթում հայտնաբերել են հերթական գերհակաբիոտիկը, բայց պետք է մտածել, որ ամեն ինչ ավելի արագ կընթանա նյարդային ցանցերի միջոցով:

Արհեստական բանականությունը կօգնի գլխուղեղի՝ ամենաագրեսիվ քաղցկեղի բուժման ուղիներ փնտրելուն

Գլիոբլաստոման կամ գլիոբլաստոմա մուլտիֆորմեն  (Glioblastoma or Glioblastoma multiforme) գլխուղեղում առաջացող չարորակ ուռուցքներից ամենաագրեսիվն է: Գլիոբլաստոմաները կազմում են գլխուղեղի ուռուցքների 15%-ը, իսկ դրա զոհերն ախտորոշումից հետո ապրում են ընդամենը մի քանի տարի:
Քեյզի Արևմտյան պահուստային համալսարանի Բժշկական ու Ճարտարագիտական դպրոցների և Քլիվլենդի կլինիկայի գիտնականներն ու բժիշկները համատեղել են երկու բոլորովին տարբեր վերլուծություններ՝գլխուղեղի քաղցկեղն ավելի լավ հասկանալու և դրա դեմ պայքարելու համար:
Հետազոտողները օգտագործել են արհեստական բանականության գործիքներ, այս դեպքում՝ ՄՌՇ-ի (Magnetic resonance imaging-MRI) նախնական սկանավորման համակարգչային պատկերների վերլուծությունը՝ վերցված գլխուղեղի քաղցկեղով հիվանդներից և այդ պատկերների վերլուծությունը համեմատեցին գենոմի հետազոտության հետ ՝ քաղցկեղը վերլուծելու համար:
(Մագնիսառեզոնանսային շերտագրությունը (ՄՌՇ) բժշկական վիզուալիզացիայի տեսակ է, որն օգտագործվում է ճառագայթային ախտորոշման մեջ և ցուցադրում է օրգանիզմի կառուցվածքային պատկերներ և ֆունկցիոնալ գործընթացներ: ՄՌՇ սկաները օգտագործում է հզոր մագնիսական դաշտ, ինչի շնորհիվ ձևավորում է հետազոտվող օրգանների պատկերները։ Ի տարբերություն համակարգչային շերտագրության (ՀՇ), ռենտգեն հետազոտության և այլն, ՄՌՇ սկաները չի օգտագործում վնասակար ռենտգեն կամ իոնիզացնող ճառագայթներ)։
«Արդյունքը՝ նոր և ավելի ճշգրիտ միջոց՝ ոչ միայն որոշելու գլիոբլաստոմայի զոհերի կյանքի տևողությունը, այլև նաև՝ պարզելու, թե ով կարող է դառնալ կլինիկական դեղամիջոցի փորձարկման թեկնածու»,- ասել է հետազոտության ղեկավար Փոլավ Տիվարին:
Արհեստական բանականության մոդելը օգտագործում էր ինչպես ուռուցքի հարակից տարածքի, այնպես էլ՝ ներսի առանձնահատկությունները՝ որոշելու համար, թե որ հիվանդներն ունեն բացասական ախտորոշում։ Այնուհետև օգտագործվում էր գեների արտահայտման (էքսպրեսիայի) տեղեկատվությունը` բացահայտելու համար, թե կենսաբանական որ ուղիներն են կապված ՄՌՇ-ի կողմից արված պատկերներ հետ:
Ըստ հետազոտողների, այս նոր մեթոդն ու դրա փորձարկումները, հաջողությամբ պսակվելու դեպքում, կարող են չարորակ ուռուցքների բուժման ոլորտում նոր հեռանկարներ բացել։
Հետազոտությունը հրապարակվել է Քաղցկեղի հետազոտությունների ամերիկյան ասոցիացիայի  «Կլինիկական քաղցկեղի հետազոտություն» (Clinical Cancer Research) ամսագրում:

Չինաստանում ռոբոտ են ստեղծել` նոր կորոնավիրուսի կասկածով անձանց անալիզները հավաքագրելու համար

Չինաստանի ռոբոտների առաջատար արտադրող Siasun ընկերությունը` Շենյանի ավտոմատացման ինստիտուտի աջակցությամբ, ռոբոտ է ստեղծում, որը կզբաղվի 2019-nCoV վիրուսով պայմանավորված թոքաբորբի կասկածով անձանց բժշկական անալիզների հավաքագրմամբ: Ըստ կայքի տվյալների՝ ռոբոտն իր վրա կվերցնի բուժքույրերի գործառույթների մի մասը: Նրանք անընդհատ իրենց բարձր ռիսկի են ենթարկում հիվանդներին զննելիս, որոնք մեծ հավանականությամբ կարող են թոքաբորբով վարակված լինել: Ենթադրվում է, որ նորագույն տեխնոլոգիաները թույլ կտան զգալիորեն արագացնել և հեշտացնել վարակի առկայության ստուգումը:
Նախագիծն իրականացվում է Չինաստանի Գիտությունների ակադեմիայի եւ կառավարության մի շարք գերատեսչությունների աջակցությամբ: Հեղինակների գաղափարի համաձայն` հեռակառավարվող ռոբոտը մեխանիզացված ճկուն ձեռքի միջոցով հիվանդի բերանի խոռոչի մեջ զգուշորեն վիրախծուծ կդնի: Այսպիսով, բժիշկները կկարողանան բացարձակապես ապահով կերպով թուքի նմուշ ստանալ:
Սպասվում է, որ այս տեխնոլոգիան կնվազեցնի վարակի դեպքերի թիվը վարակի տարածման դեմ պայքարող բժշկական անձնակազմի շրջանում:

Հոնկոնգի գիտնականները կորոնավիրուսի արագ ախտորոշման սարք են մշակել

Հոնկոնգցի գիտնականները մշակել են դյուրակիր սարք, որը թույլ Է տալիս արագ եւ արդյունավետորեն ախտորոշել 2019-nCoV նոր կորոնավիրուսով վարակումն ընդամենը 40 րոպեում: Սարքն արդեն սկսել է կիրառվել Չինաստանի մի շարք քաղաքներում, այդ թվում՝ Հուբեյի նահանգում, որը հայտնվել Է համաճարակի կենտրոնում: «Մենք այն ուղարկել ենք շատ վայրեր եւ հուսով ենք, որ մարդիկ այն կօգտագործեն»,- նշել Է նորույթի գլխավոր մշակող պրոֆեսոր Վեն Վեյցզյան Հոնկոնգի Գիտության եւ տեխնոլոգիաների համալսարանից:Սարքն անալիզի է ենթարկում օրգանիզմի հեղուկ արտաթորումների նմուշները: Ավելի վաղ հոնկոնգցի հետազոտողների այդ նույն խումբը համանման սարքեր է թողարկել թռչնագրիպի եւ խոզագրիպի արագ ախտորոշման համար: 

Պլաստիկե աղբը 1 րոպեում սպանում է զարգացող երկրների երկու բնակչի  

Յուրաքանչյուր 30 վայրկյանում զարգացող երկրներում մեկ մարդ է մահանում պլաստիկե աղտոտման հետևանքով: Այդ մասին հայտնում է  մի շարք կազմակերպությունների կատարած հետազոտությունը:
Հետազոտողների զեկույցում նշվում է, որ թափոնների և պլաստիկի աղբանոցների մերձակայքում բնակվելու հետեւանքով առաջացած հիվանդություններից տարեկան մահանում է մինչև 1 մլն մարդ: Այդ հիվանդություններին թվում հետազոտողները նշում են քաղցկեղը, մալարիան և դիարեան:
Ուսումնասիրության հեղինակները կոչ են անում այնպիսի ընկերությունների, ինչպիսիք են՝ Coca-Cola-ն, Nestlռ-ն, PepsiCo-ն եւ Unilever-ը, մինչեւ 2025 թվականը կրկնակի կրճատել այն պլաստիկի քանակությունը, որը նրանք տարածում են զարգացող երկրներում:
Հետազոտությանը մասնակցել են Tearfund օգնության և զարգացման միջազգային գործակալությունը, զարգացման ուսումնասիրման բրիտանական ինստիտուտը, ինչպես նաեւ WasteAid և Fauna & Flora International (FFI) կազմակերպությունները:

Արհեստական ինտելեկտին կսովորեցնեն կատակել     

Ստենֆորդի համալսարանից  չինուհի Հի Հին սկսել է զբաղվել հումորի զգացում ունեցող արհեստական ինտելեկտի մշակմամբ: Հետազոտողը մտադիր է հումորի բազմաթիվ տեսություններ օգտագործել նպատակին հասնելու համար: Հի Հիի խոսքով՝ իր առջեւ բարդ խնդիր է ծառացած, քանի որ ինտելեկտն աշխատում է որոշակի ալգորիթմով, իսկ դա բացառում է իմպրովիզացիան: Մշակողը վստահ է, որ արհեստական ինտելեկտը ծիծաղելի չի դառնա, եթե նեյրոցանցում բեռնվեն աշխարհի բոլոր կատակներն ու անեկդոտները:
Ուսուցման ժամանակ Հի Հին և իր թիմը որոշել են ստուգել բառախաղի տեսությունը և նեյրոցանցին սովորելու են տվել մի քանի նույնանուն բառեր, որպեսզի ինտելեկտը կարողանա վերարտադրել ծիծաղելի նախադասություններ՝ դրանցում փոխելով հասկացությունները: Որպեսզի փոխարինումից հետո կատակը չկորցնի իր իմաստը, նեյրոցանցը նախադասությանը մի երկու նոր բառ է հավելել: Սակայն արդյունքները չեն ուրախացրել գիտնականներին: 

Ամերիկահայ գործարարի հիմնած թվային գրադարանը 30 մլն դոլարի ներդրում է ստացել

Տաղանդների հայտնաբերման ոլորտում առաջատար ամերիկյան Creative Artists Agency ընկերությունը մտադիր է 30 մլն դոլար ներդնել Epic! կրթական-տեխնոլոգիական ընկերության զարգացման գործում:
Ըստ ընկերության համահիմնադիր և գլխավոր տնօրեն Սուրեն Մարկոսյանի ներդրումներն ուղղվելու են ռեսուրսի տեխնիկական զարգացմանն ու լսարանի ընդլայնմանը:
«Մենք աստիճանաբար վերածվում ենք ԱՄՆ-ում գործող հիմնական թվային ուղեցույցի՝ նախատեսված երեխաների համար: Մեր ակտիվ օգտատերերը ոչ միայն երեխաներն են, այլև նախակրթարանների և միջնակարգ դրոցների ուսուցիչները», - նշել է Մանուկյանը:
Epic!-ը ընթերցանության յուրատեսակ հարթակ է, որն իրենից թվային գրադարան է ներկայացնում՝ նախատեսված մինչև 12 տարեկան երեխաների համար: Ներկա պահին առցանց հարթակում կարելի է գտնել ավելի քան 35 000 աուդիոգիրք և տեսանյութ: Օնլայն գրադարանի լսարանը կազմում է 1.7 միլիոն մարդ:

Հայաստանի
ամերիկյան համալսարանը և PicsArt-ը հիմնում են արհեստական բանականության լաբորատորիա

Հայաստանի ամերիկյան համալսարանը (ՀԱՀ) և PicsArt ընկերությունը համատեղ ջանքերով հիմնում են արհեստական բանականության (AI) հետազոտական լաբորատորիա, որն աշխատատեղեր կստեղծի դասախոսների և ուսանողների համար, որոնք կիրականացնեն նորարարական հետազոտություններ մեքենայական ուսուցման և համակարգչային տեսլականի (computer vision) ոլորտներում:
ՀԱՀ-ը և PicsArt-ը միասին աշխատում են նոր մոդել ստեղծելու շուրջ, որը առաջ կմղի գիտությունն ու հետազոտությունը և կմեծացնի ակադեմիական ու մասնագիտական ունակությունները արհեստական բանականության ոլորտում՝ գիտությունն ու հետազոտության արդունքները  արդյունաբերությանը կապելու միջոցով:
«Արհեստական բանականությունն արագորեն զարգանում է ամբողջ աշխարհում, և կարծում եմ՝ ճիշտ ժամանակն է այն զարգացնել Հայաստանում ևս: Մենք շատ ուրախ ենք, որ PicsArt-ի հետ համատեղ ջանքերով հիմնում ենք արհեստական բանականության լաբորատորիա, որը այդ ոլորտում հետազոտություններ իրականացնելու լայն հնարավորություններ կստեղծի: Ես ակնկալում եմ, որ այս նախաձեռնությունը մեզ առաջ կմղի տվյալ ոլորտում և կզարմացնի այլ երկրների», նշում է ՀԱՀ նախագահ Կարին Մարկիդեսը:
Նախնական փուլում արհեստական բանականության լաբորատորիան աշխատանք կտրամադրի ՀԱՀ-ի երկու դասախոսի, առաջատար հետազոտողների, ինչպես նաև Համակարգչային գիտության և Տվյալագիտության բակալավրիատներում սովորող 15 ուսանողի: ՀԱՀ-ի դասախոսներն ու PicsArt-ի մեքենայական ուսուցման մասնագետները կսկսեն դասընթցներ անցկացնել 2020թ.-ի հունվարից: Վեցշաբաթյա դասընթացից հետո լավագույն ուսանողներն արհեստական բանականության լաբորատորիայում աշխատանքի առաջարկ կստանան:

«Արհեստական բանականությունն արագ զարգացող ոլորտ է, ուստի անչափ կարևոր է, որ այս կամ հարակից այլ ոլորտներում սովորող ուսանողները բարձրորակ կրթություն ստանան և ձեռք բերեն հետազոտական հմտություններ, ինչը նրանց մրցունակ կդարձնի աշխատաշուկայում:
Հայաստանի ամերիկյան համալսարանը (ՀԱՀ) մասնավոր, անկախ համալսարան է, որը հիմնադրվել է 1991 թվականին Երևանում:  ՀԱՀ-ը հավատարմագրված է ԴԲԱԸ բուհերի հանձնաժողովի (WASC Senior College and University Commission) կողմից և հանդիսանում է Քալիֆորնիայի համալսարանի համագործակիցը: Բակալավրիատի և մագիստրատուրայի կրթական ծրագրերի միջոցով ՀԱՀ-ը  Հայաստանում և տարածաշրջանում տրամադրում է արևմտյան չափանիշներին համապատասխան բարձրակարգ կրթություն՝ միաժամանակ խթանելով նորարությունը և հետազոտական աշխատանքը:

Ռուսաստանը եւ Ճապոնիան լուսնային ռոբոտ են ստեղծում

«Անդրոիդային տեխնիկա» գիտաարտադրական միավորումը  նախատեսում է GITAI ընկերության (GITAI սթարտապ) ճապոնացի գործընկերների հետ համատեղ ստեղծել ռոբոտ Լուսնի մակերեսին առաջադրանքների կատարման համար:
«Ճապոնացի գործընկերները մտածում են մոտավորապես նույն ուղղությամբ, ինչ եւ մենք. դա ռոբոտատեխնիկական համալիրների պլանաչափ մշակում է՝ մերձավոր եւ հեռավոր տիեզերքի յուրացման համար։ Որպես առաջնահերթ նպատակ ինչպես նրանք, այնպես էլ մենք տեսնում ենք Լուսինը, այսինքն՝ այն ռոբոտատեխնիկական համալիրները, որոնք կկարողանան գործել եւ օգտակար գործառույթներ իրականացնել Լուսնի վրա»,- ասել է Դուդորովը։
Գործադիր տնօրենը հավաստիացրել է, որ «GITAI ընկերությունը մասնագիտանում է անտրոպոմորֆ կառույցների աշխատանքներում»։ Նա ավելացրել է, որ ճապոնացի գործընկերները օգտագործում են կառավարման հագուստներ, որոնք նման են «Անդրոիդային տեխնիկայի» ստեղծածներին։ Այդ այսպես կոչված հարցադրող սարքերը թույլ են տալիս ռոբոտը կառավարել պատճենող ռեժիմով՝ մեքենան կրկնում է մարդ-օպերատորի շարժումները։
Ճապոնական ընկերության ներկայացուցիչները Ռուսաստան են եկել այս շաբաթ, բանակցությունների արդյունքներով համագործակցության պայմանավորվածություն է ձեռք բերվել։ «Կստորագրենք համագործակցության համաձայնագիր։ Այնուհետեւ կկազմենք համատեղ ծրագրեր 2020, 2021 թվականների եւ հետագայի համար»,- նշել է Դուդորովը՝ ավելացնելով, որ համաձայնագիրը կստորագրվի առաջիկայում։
Ռոբոտատեխնիկական համալիրի ստեղծման աշխատանքն ավարտելուց հետո, ասել է «Անդրոիդային տեխնիկայի» ղեկավարը, կողմերը նախատեսում են դիմել «Ռոսկոսմոսին» եւ JAXA-ին (ճապոնական տիեզերական գործակալություն) ռոբոտի կիրառումն ապահովելու համար։ 

Գրենլանդիան 7 անգամ ավելի արագ է հալվում, քան 20 տարի առաջ

1992-ից մինչև 2018-ը Գրենլանդիայում սառույցի հալման արագությունը  յոթ անգամ մեծացել է, հետևաբար, մինչև 21-րդ դարի վերջը կղզուց հալած ջուրը կարող է հանգեցնել Համաշխարհային օվկիանոսի մակարդակի բարձրացման՝ 7 սանտիմետրով: Այսպիսի եզրակացության է հանգել Բևեռագետների միջազգային խումբը, որի ուսումնասիրությունը հրապարակվել է «Nature» գիտական ամսագրում:
Գրենլանդիայի սառույցների հալման մակարդակը որոշելու համար միջազգային 50 կազմակերպությունների 89 գիտնականներ վերլուծել են 30 տարվա արբանյակներից արված լուսանկարները և համեմատել կղզու ափամերձ հատվածում տեղի ունեցած փոփոխությունները: Այսպիսով, նրանք պարզել են, որ 1992-ից ի վեր Գրենլանդիան կորցրել է 3,8 տրիլիոն տոննա սառույց, ինչը համապատասխանում է ծովի մակարդակի 10,6 մմ բարձրացմանը:
Եթե 1990-ականների սկզբին ջրի մակարդակի բարձրացման մոտ 1 միլիմետրը համապատասխանում էր սառույցի հալմանը, ապա այժմ այդ ցուցանիշը 7 միլիմետր է, այսինքն՝ Գրենլանդիան այժմ 7 անգամ ավելի արագ է հալվում:

Որքան է մարդու կյանքի «բնական» տևողությունը. նոր հետազոտությունն ապշեցրել է 

ԴՆԹ անալիզի միջոցով կյանքի տևողությունը որոշելու նոր մեթոդը զարմանահրաշ բացահայտում է արել: Պարզվում է, մարդու կյանքի «բնական» տևողությունն ընդամենը 38 տարի է:
Հետաքրքիր է, որ նեանդերթալցիները, որոնք սերտ կապված են ժամանակակից մարդու հետ, ապրել են ամենաշատը 37,8 տարի: Հիմնվելով ԴՆԹ-ի վրա՝ կարելի է պնդել, որ մարդը ևս բնական միջավարում կապրեր 38 տարի: Սակայն կենսապայմանների փոփոխությունն ու բժշկության զարգացումը մարդու կյանքի միջին տևողությունը երկարաձգել են: Այսօր համաշխարհային միջին վիճակագրական տվյալներով կանանց կյանքի միջին տևողությունը 68,5 տարի է, տղամարդկանցը՝ 73,5 տարի:

2019 թվականին Համաշխարհային օվկիանոսի ջրի ջերմաստիճանը նոր ռեկորդ է սահմանել

Մինեսոտա նահանգի Սբ․ Թոմաս համալսարանի պրոֆեսոր Ջոն Աբրահամը նշում է, որ օվկիանոսների տաքացումը հանգեցնում է ավելի ուժգին փոթորիկների հայտնվելուն և խաթարում է ջրի ցիկլը, ինչը նշանակում է ավելի շատ ջրհեղեղներ, երաշտներ և անտառային հրդեհներ, ինչպես նաև ծովի մակարդակի բարձրացում:
«Օվկիանոսը հենց այն է, ինչը մեզ հայտնում է, թե որքան արագ է տաքանում Երկիրը: Մենք պարզեցինք, որ 2019 թվականը ուսումնասիրությունների պատմության մեջ ոչ միայն ամենատաքն է եղել, այլ նաև ցույց է տվել մեկ տասնամյակի ընթացքում ամենամեծ տաքացման աճը»,-նշում է Աբրահամը:
Գիտնականները ակնկալում են, որ մինչև դարի վերջ օվկիանոսի մակարդակի բարձրացումը կլինի մոտ մեկ մետր, ինչը կհանգեցնի ամբողջ աշխարհում մոտ 150 միլիոն մարդու տեղահանմանը։

Արհեստական ինտելեկտը կվերափոխի Մեծ Բրիտանիայի հատուկ ծառայության աշխատանքը

Մեծ Բրիտանիայի MI-5 հակահետախուզության ծառայության ղեկավար Էնդրյու Փարքերը կարծում է, որ արհեստական ինտելեկտի կիրառումն արմատապես կփոխի գերատեսչության աշխատանքը, բայց չի փոխարինի մարդկանց:
Արհեստական ինտելեկտը թույլ կտա «գլուխ հանել հազարավոր մարդկանց վերաբերող տվյալներից՝ առավելագույնս մոտեցված իրական ժամանակին», սակայն ամեն դեպքում վերջնական որոշումը կընդունեն հատուկ ծառայության սպաները, համոզված է նա:
Տեղեկատվության հավաքման գործում «հաջորդ քայլն», կդառնա մեքենայական ոուսուցումը (ուսուցումն այն ծրագրերի հիման վրա, որոնք ստեղծվել են արհեստական ինտելեկտի մեթոդների միջոցով՝ մեծ քանակությամբ տվյալների հիման վրա):

Գիտնականները մարդկության ինտելեկտի աղետալի անկում են կանխատեսել

Բոուլդերի Կոլորադոյի համալսարանի (ԱՄՆ) գիտնականներն ապացուցել են, որ մթնոլորոտում ածխաթթվական գազի պարունակության բարձրացումը կարող է աղետալիորեն ազդել մարդկանց իտելեկտուալ ունակությունների վրա: Հետազոտողներն ուսումնասիրել են, թե ինչպես է ածխածնի երկօքսիդի մակարդակի բաձրացումն ազդում երեխաների ուսուցանելիության վրա: Նախորդ գիտափորձերը ցույց են տվել, որ գազի բարձր պարունակությունն իրոք ներգործում Է մտավոր ունակությունների վրա, սակայն խնդիրը հեշտությամբ լուծվում է՝ օդափոխելով սենյակը: Միեւնույն ժամանակ անհայտ էր այն ազդեցությունը, որը գործում Է մեծ քանակությամբ ածխաթթվական գազ պարունակող թարմ օդը: Մասնագետներն ուսումնասիրել են երկու սցենար: Առաջինում մարդկությունը նավազեցնում է մթնոլորտ արտանետվող ածխաթթվական գազի քանակը, երկրորդում արտանետումները մնում են նախկին մակարդակի վրա: Պարզվել է, որ աշակերտների կոգնիտիվ ունակությունները նվազում են ցանկացած դեպքում: Գիտնականների կանխատեսումների համաձայն՝ լավագույն տարբերակով մինչեւ 2100 թվականն ինտելեկտի անկումը կկազմի 25 տոկոս, վատագույն տարբերակով՝ 50 տոկոս:

NASA-ն հայտարարել «բամբակյա» մոլորակների գոյության մասին

NASA-ի աստղագետները, «Հաբլ» տիեզերական աստղադիտակի օգնությամբ, հաստատել են նոր դասի մոլորակների գոյությունը, որոնք Արեգակնային համակարգում անալոգներ չունեն:
Նշվում է, որ 2600 լուսային տարվա հեռավորության վրա Կարապի համաստեղության Kepler-51 աստղային համակարգում երեք էկզոմոլորակներ են հայտնաբերվել: Չափերով դրանք համեմատելի են Յուպիտերի և Սատուրնի հետ, բայց դրանց զանգվածը հարյուրավոր անգամ պակաս է: Դա պայմանավորված է այդ մոլորակների խտությամբ. այն կարելի է համեմատել քաղցր բամբակի հետ: Գիտնականները մոլորակների նոր դասը super-puff են անվանել:
Մինչ այժմ աստղագետները գիտեին մոլորակների միայն երեք տեսակների մասին՝ երկրային, ինչպիսիք են Երկիրը և Մարսը, սառցե հսկաները (Նեպտուն) և գազային հսկաները (Յուպիտեր): Հնարավոր է, super-puff-երն իրենցից ներկայացնում են մոլորակների անցումային փուլը. եթե այդպես է, ապա Kepler-51 համակարգը եզակի լաբորատորիա կդառնա գիտական տեսությունների ստուգման համար:
«Բամբակյա» էկզոմոլորակների տարօրինակությունները հասկանալու համար գիտնականներից մի քանի տարի է պահանջվել: Ենթադրաբար, բոլոր երեք հսկաները բաղկացած են ջրածնից և հելիումից, և շրջապատված են մեթանի շերտով: Ըստ կազմի այն շատ նման է Տիտանի մթնոլորտին, որը Սատուրնի արբանյակներից է: