ՆՁԱԿ
   
 

Հանդիպում

Նորամուծության և ձեռներեցության ազգային կենտրոնում (ՆՁԱԿ) կայացել է աշխատանքային հանդիպում ՀՀ էկոնոմիկայի նախարար Վահան Քերոբյանի հետ: Քննարկվել են մի շարք կարևորագույն հարցեր և նոր նախագծեր՝ մատնանշելով դրանց իրականացման ուղիները: Պարոն Քերոբյանը կարևորել է այս կառույցի նոր առաքելությունը այն է՝ նորարարությունների առևտրայնացում, տեխնոլոգիական տրանսֆեր և ձեռներեցություն։ Հանդիպումը շատ կառուցողական և արդյունավետ էր: Կենտրոնի տնօրինությունը և Նախարարը փորձում են նոր ուժ հաղորդել Կենտրոնին, քանզի Հայաստանի ապագան տեսնում են տեխնոլոգիական զարգացման, գիտահենք տնտեսության կառուցման մեջ։


«Իմ հաջողության բանալին»

2021թ. մարտի 12-ին Նորամուծության և ձեռներեցության ազգային կենտրոնը (ՆՁԱԿ) կազմակերպել էր տեղեկատվական հարթակ երիտասարդ ձեռներեցների լավագույն փորձի փոխանակման համար «Իմ հաջողության բանալին» խորագրով:
Միջոցառման գլխավոր նպատակն էր աջակցել երիտասարդությանը զարգացնելու ձեռնարկատիրական հմտություններ, ձևավորելու ձեռներեցին հատուկ նորարարական մտածողություն, բիզնեսում մրցունակ լինելու հատկանիշներ, արդյունավետ պլանավորելու կարիերան:


ՀՀ էկոնոմիկայի նախարարը ներկայացրեց…

ՀՀ էկոնոմիկայի նախարար Վահան Քերոբյանը և Սփյուռքի գործերի գլխավոր հանձնակատար Զարեհ Սինանյանն այցելել են «Նորամուծության և ձեռներեցության ազգային կենտրոն» ՊՈԱԿ`  աշխատակիցներին ներկայացնելու նորանշանակ տնօրեն Հայկ Մարգարյանին` սփյուռքահայ մասնագետ, ով հնարավորություն կունենա իր ներդրումը ունենալու կառույցի բարելավման և զարգացման, քաղաքականությունների ու ծրագրերի մշակման գործում:


Վեբինար-քննարկում

Նորամուծության և ձեռներեցության ազգային կենտրոնի գիտատեխնիկական գրադարանը 2021թ. հունվարի 26-ին կազմակերպել է տեղեկատվական միջոցառում բաղկացած 2 մասից: Առաջին մասում մասնակիցներին ներկայացվել է ՆՁԱԿ-ի գիտատեխնիկական գրադարանի, «Մխիթար Սեբաստացի» կրթահամալիրի իրականացրած հեռավար աշխատանքները «COVID-19» համավարակի պայմաններում, իսկ երկրորդ մասում կայացել է խմբային մասնակցություն EBSCO ընկերության կողմից անցկացվող վեբինարին:


 


ՀՈ ՒՇԱԹԵՐԹ

ԱԶԴԱՐԱՐՄԱՆ ԱԶԴԱՆՇԱՆՆԵՐԻ ԴԵՊՔՈՒՄ ԲՆԱԿՉՈՒԹՅԱՆ ԳՈՐԾՈՂՈՒԹՅՈՒՆՆԵՐԻ

Բնակչության նախազգուշացման համար կիրառվում են հետևյալ ազդարարման ազդանշանները` «Օդային տագնապ», «Ուշադրություն բոլորին»: Ազդարարման ազդանշանները տրվում են հետևյալ դեպքերում`

«Օդային տագնապ» ազդանշանը տրվում է օդային հարձակման դեպքում,

«Ուշադրություն բոլորին» ազդանշանը տրվում է արտակարգ իրավիճակների առաջացման կամ դրա սպառնալիքի և օդային տագնապի ավարտի դեպքում:

 

Հիշել՝ անհրաժեշտ է ռմբակոծության ժամանակ բացել բերանը և ձեռքերով փակել ականջները: