ՆՁԱԿ
ՆՁԱԿ
Մայիսի 19-ին ՀՀ էկոնոմիկայի նախարարության Նորամուծության և ձեռներեցության ազգային կենտրոնում տեղի ունեցավ Ամերիկահայ գիտնականների և ճարտարագետների ընկերակցության (AESA) 2023 թվականի ամենամյա գիտական 22-րդ օլիմպիադայի մրցանակաբաշխությունը:
Նորամուծության և ձեռներեցության ազգային կենտրոնի Գիտատեխնիկական գրադարանը ապրիլի 17-21-ը «Ազգային գրադարանային շաբաթ 2023-ի շրջանակում Երևանում և 4 մասնաճյուղերում (Գյումրի, Վանաձոր, Կապան, Հրազդան) իրականացրել է մի շարք միջոցառումներ տարբեր խորագրերով:
Երևանի մասնաճյուղում ապրիլի 19-ին գրադարանը «Գիտություն, կրթություն, տեխնոլոգիաների առևտրայնացում» թեմայի քննարկման շրջանակում իր շուրջն էր հավաքել ոլորտի մի շարք մասնագետների, գիտնականների, գյուտարարների, տեղացի և միջազգային փորձագետների:
Նորամուծության և ձեռներեցության ազգային կենտրոնը (ՆՁԱԿ) սիրով հրավիրում է Ձեզ մասնակցելու «Նորամուծության և ձեռներեցության ազգային շաբաթ» խորագրով միջոցառմանը, որն անցկացվելու է ս./թ. ապրիլի 17-21-ը:
Միջոցառումն անցկացվում է ՀՀ Վարչապետի Աշխատակազմի, Էկոնոմիկայի և Արտաքին գործերի Նախարարությունների, Սփյուռքի Գործերի Գլխավոր Հանձնակատարի Գրասենյակի և «Ազգային կենտրոն» Հիմնադրամի հովանու ներքո։
Որպես կազմակերպիչ՝ հանդես է գալիս Նորամուծության և ձեռներեցության ազգային կենտրոնը:
Միջոցառման բացումը՝ 17 ապրիլի, ժ. 10:00։
Կարևորելով Հայաստանի տնտեսության թվային փոխակերպումների անհրաժեշտությունը՝ ՆՁԱԿ-ի գիտատեխնիկական գրադարանը 2023թ. մարտի 23-ին իրականացրեց միջոցառում-քննարկում «Թվային տնտեսություն. ագրարային ոլորտի զարգացման հեռանկարներ» խորագրով գրքի շուրջ գրքի հեղինակի՝ ՀՀ ԳԱԱ Մ. Քոթանյանի անվան տնտեսագիտության ինստիտուտի փոխտնօրեն, տ.գ.թ., դոցենտ Մերի Մանուչարյանի մասնակցությամբ:
ՆՁԱԿ-ի Գիտատեխնիկական գրադարանը 2022թ. նոյեմբերի 29-ին Zoom հարթակում անցկացրել է առցանց քննարկում «Գրադարանը բաց գիտության համար» խորագրով, որի շրջանակներում միջոցառման մասնակիցները միացել են Ռուսաստանի գիտությունների ակադեմիայի Սիբիրյան մասնաճյուղի Պետական հանրային գիտատեխնիկական գրադարանի (ГПНТБ СО РАН) Բաց գիտության գիտական հետազոտությունների բաժնի կողմից կազմակերպված «Գրադարանը բաց գիտության համար» գիտական սեմինարին:
